PM Modi On Vaccination: వ్యాక్సినేషన్లో భారత్ కీలక ఘట్టానికి చేరుకుందని ప్రధాని మోదీ తెలిపారు. శుక్రవారం దేశవ్యాప్తంగా 150కోట్ల వ్యాక్సిన్ డోసులను పంపిణీ పూర్తయిందన్నారు. పేదలకు వైద్యపరమైన ప్రయోజనాలను అందించేందుకు కేంద్రం కట్టుబడి ఉందని స్పష్టం చేశారు.
కోల్కతాలోని చిత్తరంజన్ నేషనల్ కేన్సర్ ఇన్స్స్టిట్యూట్ రెండో క్యాపస్ను వర్చువల్ విధానంలో ప్రారంభించారు మోదీ.
"దేశంలోని వయోజనుల జనాభాలో 90శాతానికిపైగా కొవిడ్ తొలి డోసు పూర్తయింది. కేవలం 5రోజుల్లోనే కోటిన్నరకు పైగా 15-17ఏళ్ల పిల్లలకు కొవిడ్ మొదటి డోసు పూర్తయింది. ఈ విజయం భారత్ ఆత్మవిశ్వాసం, ఆత్మనిర్భరత, ఆత్మగౌరవాన్ని ప్రతిబింబిస్తుంది. ఈ విజయాన్ని అందుకోవడం ధనిక, అభివృద్ధి చెందిన దేశాలకూ సాధ్యం కాదు. ఆయుష్మాన్ పథకం ద్వారా దేశవ్యాప్తంగా 2.60కోట్ల ప్రజలకు లబ్ధి చేకూరుతుంది. అందులో 17లక్షల మంది కేన్సర్ బాధితులు కూడా ఉన్నారు."
-- ప్రధాని నరేంద్రమోదీ
వీడియో కాన్ఫరెన్స్ ద్వారా నిర్వహించిన ఈ సమావేశంలో బంగాల్ సీఎం మమతా బెనర్జీ కూడా పాల్గొన్నారు.
దాదాపు రూ. 530కోట్ల నిధులతో చిత్తరంజన్ నేషనల్ కేన్సర్ ఇన్స్స్టిట్యూట్లో రెండో క్యాంపస్ను నిర్మించారు. ఈ ఆస్పత్రిలో 460 పడకల సామర్థ్యం ఉంది.
ఈ ఆస్పత్రిలో న్యూక్లియర్ మెడిసిన్(పీఈటీ), 3.0 టెస్లా ఎంఆర్ఐ, 128 స్లైస్ సీటీ స్కానర్, ఎండోస్కోపీ స్యూట్.. లాంటి అధునాతన సాంకేతిక యంత్రాలు ఉన్నాయి.
ఇదీ చూడండి: మోదీ పంజాబ్ పర్యటనలో భద్రతా లోపాలపై సుప్రీం కీలక ఆదేశాలు
