Modi in Gurpurab celebrations: కర్తార్పుర్ సాహిబ్కు సులభంగా చేరుకోవాలన్న దేశ ప్రజల ఆకాంక్ష.. కర్తార్పుర్ కారిడార్ ద్వారా సాధ్యమైందన్నారు ప్రధానమంత్రి నరేంద్ర మోదీ. 2019లో కర్తార్పుర్ కారిడార్ పనులను తమ ప్రభుత్వం పూర్తి చేసిందని గుర్తు చేశారు.
గుజరాత్, కచ్లోని గురుద్వారా లఖ్పత్ సాహిబ్లో నిర్వహించిన గురునానక్ దేవ్ జీ గురుపురబ్ ఉత్సవాల్లో.. వర్చువల్ మాట్లాడారు మోదీ.
"ఖాస్లా పంత్ను ఏర్పాటు చేయటంలో కీలక పాత్ర పోషించిన నాలుగో గురుసిఖ్ భాయ్ మోఖమ్ సింగ్ జీ గుజరాతీ కావటం రాష్ట్రానికే గర్వకారణం. గురు తేగ్ బహదూర్ జీ 400 ఏళ్ల ప్రకాశ్ ఉత్సవాలను 2021లో జరుపుకుంటున్నాం. అఫ్గానిస్థాన్ నుంచి గురు గ్రంథ్ సాహిబ్ పత్రాలను తీసుకురావటంలో సఫలమైన విషయాన్ని మీరూ చూశారు. ఇది సంతోషకర విషయం."
- నరేంద్ర మోదీ, ప్రధానమంత్రి.
ఔరంగజేబ్పై గురు తేజ్ బహదూర్ శౌర్యం.. దేశం ఉగ్రవాదం, మతోన్మాదానికి వ్యతిరేకంగా ఎలా పోరాడుతుందో బోధిస్తుందన్నారు మోదీ. అలాగే.. పదో గురు.. గురు గోబింద్ సింగ్ సాహిబ్ జీవితం పట్టుదలకు, త్యాగానికి ప్రతీకగా నిలుస్తుందని తెలిపారు.
ఇదీ చూడండి:
Modi news: 'కర్తార్పుర్ కారిడార్ మళ్లీ తెరుచుకోవడం సంతోషకరం'
