Pickup truck accident: మహారాష్ట్ర, ఔరంగబాద్ జిల్లాలో గురువారం తెల్లవారు జామున ఘోర రోడ్డు ప్రమాదం జరిగింది. చెరుకు లోడ్తో ఉన్న ట్రాక్టర్ను మినీ పికప్ ట్రక్కు ఢీకొట్టింది. ఈ దుర్ఘటనలో ఆరుగురు ప్రాణాలు కోల్పోయారు. మరో ఏడుగురు తీవ్రంగా గాయపడ్డారు.
జిల్లాలోని ఘట్శేంద్ర గ్రామంలో బంధువుల వివహానికి హాజరై మినీ ట్రక్కులో బుధవారం రాత్రి స్వగ్రామం మంగ్రుల్కు తిరిగి వస్తున్నారు. సిల్లోడ్ తాలుకాలోని మోధా ఫటా సమీపంలో రోడ్డుపక్కన నిలిపిన చెరుకు లోడ్ ట్రాక్టర్ను గురువారం తెల్లవారుజామున 2 గంటలకు మినీ ట్రక్కు ఢీకొట్టింది. ప్రమాదంలో వాహనం పూర్తిగా ధ్వంసమైంది. ఆరుగురు ప్రాణాలు కోల్పోయారు. ఏడుగురు తీవ్రంగా గాయపడగా.. సిల్లోడ్లోని ప్రభుత్వ ఆసుపత్రికి తరలించారు.
మృతులు జిజాబాయి గణపత్ ఖేల్వణే(60), సంజయ్ సంపత్(42), సంగీత రతన్(35), లక్ష్మీబాయి అశోక్(45), అశోక్ సంపత్(52), రంజన(40)గా గుర్తించారు.
ఇదీ చూడండి:
