కరోనా కారణంగా మృతిచెందిన పాత్రికేయులను 'కొవిడ్ యోధులు'గా గుర్తించాలని కేంద్ర ప్రభుత్వాన్ని ప్రెస్ కౌన్సిల్ ఆఫ్ ఇండియా(పీసీఐ) కోరింది. వైద్యులు, ఇతర ఆరోగ్య సిబ్బందికి అందించే ప్రయోజనాలనే జర్నలిస్టులకూ అందించాలని విజ్ఞప్తి చేసింది. ఈ మేరకు కేంద్ర, రాష్ట్ర, కేంద్ర పాలిత ప్రాంత ప్రభుత్వాలకు లేఖను రాసింది.
హరియాణా సర్కారు అందిస్తున్నట్లుగా.. పాత్రికేయుల కోసం ప్రత్యేక బీమా పథకాన్ని ఏర్పాటు చేయాలని ప్రెస్ కౌన్సిల్ తీర్మానించింది. ప్రెస్ అసోసియేషన్, ఇతర పాత్రికేయ సంఘాలు ఈ తీర్మానంలో సంతకం చేశాయి. తీర్మానంతో పాటుగా సమాచార మంత్రిత్వ శాఖకు, అన్ని రాష్ట్రాల, కేంద్రాల సీఎస్లకు పీసీఐ లేఖలు రాసింది.
ఇదీ చూడండి:'ఈ నెలలోనే కరోనా టీకాకు అనుమతులు!'
