Patanjali Oil Palm Plantation Assam : ఆయుర్వేద రంగంలో విశేష కృషి చేస్తున్న పతంజలి సంస్థ.. అసోంలోని తీన్సుకియా గ్రామంలో ఆయిల్ పామ్ మొక్కలు నాటే కార్యక్రమంలో భాగమైంది. ఆయిల్ పామ్ సాగు విషయంలో ఈశాన్య రాష్ట్ర దశాదిశను మార్చేందుకు అసోం ప్రభుత్వ వ్యవసాయ శాఖ ఆధ్వర్యంలో ఈ కార్యక్రమం జరిగింది. 'ఆయిల్ పామ్ మెగా ప్లాంటేషన్ డ్రైవ్' పేరుతో 2023 ఆగస్టు 8న ఈ కార్యక్రమం నిర్వహించారు.
గౌరవనీయులైన భారత ప్రధానమంత్రి 2021 ఆగస్టులో ఎడిబుల్ ఆయిల్స్-ఆయిల్ పామ్పై జాతీయ మిషన్ను లాంఛ్ చేశారు. దేశంలో ఆయిల్ పామ్ సాగవుతున్న విస్తీర్ణాన్ని పెంచి, రైతులకు మరిన్ని అవకాశాలు అందేలా చూడటం దీని ముఖ్య ఉద్దేశం. ముఖ్యంగా ఈశాన్య రాష్ట్రాలకు ప్రాధాన్యమిస్తూ ఈ మిషన్ను చేపట్టారు. కేంద్ర ప్రభుత్వ ఆయిల్ పామ్ మిషన్ విజయవంతమైన నేపథ్యంలో అసోం వ్యవసాయ శాఖ.. 'జాతీయ స్థాయి మెగా ఆయిల్ పామ్ ప్లాంటేషన్ డ్రైవ్' చేపట్టింది. 2023 జులై 25 నుంచి ఆగస్టు 5వరకు ఈ డ్రైవ్ కొనసాగింది. స్థానిక రైతులకు అవగాహన కల్పించి, ఆయిల్ పామ్ సాగు చేపట్టేందుకు ప్రోత్సహించే విధంగా ఈ కార్యక్రమాన్ని నిర్వహించారు.
ఆయిల్ పామ్ మొక్కల పెంపకంలో గణనీయమైన అనుభవం ఉన్న పతంజలి ఫుడ్స్ లిమిటెడ్ (పీఎఫ్ఎల్) ఈ మెగా ఆయిల్ పామ్ ప్లాంటేషన్ డ్రైవ్లో పాల్గొంది. దేశవ్యాప్తంగా 64 వేల హెక్టార్లలో ఆయిల్ పామ్ సాగు చేస్తూ ఈ రంగంలో అగ్రగామిగా పతంజలి నిలుస్తోంది. దేశంలోనే అతిపెద్ద ఆయిల్ పామ్ సాగు కంపెనీల్లో ఒకటిగా ఉన్న పతంజలి.. వివిధ రాష్ట్ర ప్రభుత్వాల సమన్వయంతో ఈ మొక్కల పెంపకం చేపడుతోంది. ఈ ప్లాంటేషన్ డ్రైవ్లు ఆరు రాష్ట్రాల్లోని 13 జిల్లాల్లో ఉన్న 14 బ్లాకులలో చేపట్టారు. ఆంధ్రప్రదేశ్, తెలంగాణ, కర్ణాటక, అరుణాచల్ ప్రదేశ్, త్రిపుర, నాగాలాండ్ రాష్ట్రాల్లో ఈ ప్లాంటేషన్ డ్రైవ్ నిర్వహించారు. ఇదే విధంగా సెరేమోనియల్ ప్లాంటేషన్లో భాగంగా 20 హెక్టార్లలో 3వేల మొక్కలను నాటారు. ప్లాంటేషన్ వేడుకలకు హాజరైన అతిథులు వీటి పంపిణీ చేపట్టారు. 9 రోజుల పాటు జరిగిన మొక్కలు నాటే కార్యక్రమంలో 1200కు పైగా హెక్టార్లలో 1.80 లక్షల మొక్కలను నాటారు. ఆరు రాష్ట్రాల్లోని 800 మంది రైతులకు ఈ మొక్కలను పంపిణీ చేశారు.
ఇందులో భాగంగా ఆగస్టు 8న జరిగిన ఆయిల్ పామ్ మెగా ప్లాంటేషన్ డ్రైవ్లో పీఎఫ్ఎల్ భాగమైంది. ఈ కార్యక్రమానికి అసోం ముఖ్యమంత్రి హిమంత బిశ్వశర్మ ముఖ్య అతిథిగా హాజరయ్యారు. పరమ పూజ్యులైన స్వామి రామ్దేవ్ బాబా, రాష్ట్ర వ్యవసాయ శాఖ మంత్రివర్యులు సైతం ఈ కార్యక్రమానికి విచ్చేశారు. స్థానిక ఎంపీ, ఎమ్మెల్యేతో పాటు తీన్సుకియా జిల్లా కమిషనర్, అటవీ, రెవెన్యూ అధికారులు, ఇతర ప్రముఖులు కార్యక్రమానికి హాజరయ్యారు. భారీ ఎత్తున నిర్వహించిన ఈ కార్యక్రమానికి 4,500 మంది రైతులు హాజరయ్యారు. గౌరవనీయులైన ముఖ్యమంత్రి, పరమపూజ్యులైన స్వామి రామ్దేవ్ ఇతర ప్రముఖులు.. ఒక హెక్టార్ విస్తీర్ణంలో మొక్కలు నాటారు. జిల్లాలో గుర్తింపు పొందిన 25 మంది రైతులకు 2,800కు పైగా మొక్కలు పంపిణీ చేశారు.
అసోంలో ఆయిల్ పామ్ సాగుకు అపార అవకాశాలు ఉన్నాయని భావిస్తున్న నేపథ్యంలో.. అసోం ప్రభుత్వం, పతంజలి ఫుడ్స్ లిమిటెడ్ తమ ఎంఓయూ ద్వారా ఈ మొక్కల పెంపకాన్ని ప్రోత్సహిస్తున్నాయి. రైతుల సామాజిక-ఆర్థిక పరిస్థితులను మెరుగుపర్చేందుకు ఆయిల్ పామ్ సాగును ముందుకు తీసుకెళ్తున్నాయి. రాష్ట్రంలో ఆయిల్ పామ్ సాగును పెంచేందుకు ఈ కంపెనీకి ఏడు జిల్లాలను కేటాయించారు.
పతంజలి ఫుడ్స్ లిమిటెడ్.. ఆయిల్ పామ్ మొక్కల పెంపకంలో విశేషమైన ఫలితాలు సాధిస్తోంది. ఈ సంస్థకు 155 గంటకు మిలియన్ టన్నుల సామర్థ్యం కలిగిన ఐదు మిల్లులు ఉన్నాయి. ఏటా రైతుల నుంచి 5-6 లక్షల మిలియన్ టన్నుల తాజా ఆయిల్ పామ్ గింజలను పతంజలి సేకరిస్తోంది. 2027-28 నాటికి 12 రాష్ట్రాల్లో 2.50 లక్షల హెక్టార్లకు ఈ పంట విస్తీర్ణాన్ని పెంచాలని ఈ సంస్థ లక్ష్యంగా పెట్టుకుంది. ఈ ఫలితాలు దేశంలో ఎడిబుల్ ఆయిల్ రంగంలో కంపెనీని అగ్రస్థానంలో నిలపడమే కాకుండా.. దీర్ఘకాలంలో దేశ ఆయిల్ దిగుమతులు తగ్గించి ఆత్మనిర్భర భారత్ అనే కలను సాకారం చేసేందుకు తోడ్పడతాయి.
