లోక్జనశక్తి పార్టీ(ఎల్జేపీ)లో రాజకీయాలు రోజుకో రూపు సంతరించుకుంటున్నాయి. ఎల్జేపీలో తిరుగుబావుట ఎగురవేసిన ఎంపీ పశుపతి కుమార్ పరాస్ను పార్టీ జాతీయ అధ్యక్షుడిగా నియమించినట్లు ఆ పార్టీ వర్గాలు తెలిపాయి. మధ్యాహ్నం 3 గంటల వరకు ఎవరు నామినేషన్ పత్రాలను దాఖలు చేయలేదని.. ఈనేపథ్యంలో పరాస్ను అధికారికంగా ఎన్నుకున్నట్లు పేర్కొన్నాయి. అలాగే పార్టీ అధ్యక్షుడి హాదాలో రాష్ట్ర సీఎం నితీశ్ కుమార్తో పరాస్ మాట్లాడానికి నిర్ణయించినట్లు తెలుస్తోంది. దీంతో ఎల్జేపీ నేత చిరాగ్ పాసవాన్ను మరో షాక్ తగిలినట్లు అయింది.
పార్టీ నిబంధనలకు విరుద్ధం
అయితే పార్టీ కార్యనిర్వాహక సభ్యులు కూడా హాజరుకాకుండా జరిగిన ఈ ఎన్నికలు పార్టీ నిబంధనలకు విరుద్ధమన్నారు ఎల్జేపీ నేత చిరాగ్ పాసవాన్. పార్టీలో 90 మందికిపైగా కార్యనిర్వహక సభ్యులు ఉండగా.. పట్నాలో జరిగిన పార్టీ అధ్యక్ష ఎన్నికకు 9 మంది మాత్రమే హాజరయ్యారని.. దీనిని తిరస్కరిస్తున్నట్లు పేర్కొన్నారు. తన పార్టీ ఎన్నికల గుర్తు, జెండాను పశుపతి ఉపయోగించకుండా ఆపమని ఎన్నికల సంఘానికి లేఖ రాసినట్లు చిరాగ్ తెలిపారు.
పార్టీలో చీలిక వచ్చిన నేపథ్యంలో తనను పార్టీ జాతీయ అధ్యక్షుడిగా తిరిగి నియమించేందుకు దిల్లీలో ఆదివారం కార్యనిర్వహక సమావేశం నిర్వహించనున్నట్లు ఎల్జేపీ సెక్రటరీ జనరల్ అబ్దుల్ ఖలిక్ తెలిపారు.
ఇదీ చూడండి: కార్లలో తప్పనిసరిగా ఇవి ఉండాల్సిందే..
