ఆరోగ్య సంరక్షణకు సంబంధించిన విద్యాప్రమాణాల నిర్వహణ, అనుబంధ వృత్తినిపుణుల సేవల క్రమబద్ధీకరణకు వీలు కల్పించే.. నేషనల్ కమిషన్ ఫర్ అలైడ్ అండ్ హెల్త్కేర్ ప్రొఫెషన్స్ బిల్లు- 2021కి పార్లమెంట్ ఆమోదం తెలిపింది. లోక్సభ ముందుకు బుధవారం వచ్చిన ఈ బిల్లు.. మూజువాణి ఓటు ద్వారా ఆమోదం పొందినట్లు సభాపతి ప్రకటించారు.
" ఈ బిల్లుతో ఆరోగ్య రంగంలో దీర్ఘకాలంగా ఉన్న డిమాండ్లు తీరతాయి. నిపుణులకు ఉపాధి అవకాశాలు కూడా పెరుగుతాయి. ఈ లక్ష్యంతోనే ఈ బిల్లును సభ ముందుకు తీసుకువచ్చాము. దీని ద్వారా ఈ రంగంలో ఉన్న విభాగాలకు అత్యున్నత ప్రమాణాలు ఉండే విధంగా తీర్చిదిద్దడం సులవు అవుతుంది."
-హర్ష్ వర్ధన్, కేంద్ర ఆరోగ్య మంత్రి
ఈ బిల్లుకు మార్చి 17న రాజ్యసభ ఆమోదం తెలిపింది.
