'టీకాల ఉత్పత్తి పెంచాలని మార్చిలోనే చెప్పాం'

కరోనా టీకాల ఉత్పత్తిని పెంచాలని మార్చిలోనే ప్రభుత్వాకి సూచించినట్లు కాంగ్రెస్​ నేత జైరాం రమేశ్​ నేతృత్వంలోని పార్లమెంటరీ స్థాయి సంఘం పేర్కొంది. నివేదిక ఆధారంగా టీకా తయారీ కేంద్రాలకు నిధులు సమకూర్చినట్లు కమిటీ సభ్యుడు, భాజపా ఎంపీ అనురాగ్​ శర్మ తెలిపారు.

కరోనా టీకాల ఉత్పత్తిని పెంచాలని కేంద్రానికి మార్చి 8నే నివేదిక ఇచ్చినట్లు కాంగ్రెస్​ నేత, రాజ్యసభ సభ్యుడు జైరాం రమేశ్​ తెలిపారు. తన నేతృత్వంలోని 31మంది సభ్యులతో కూడిన శాస్త్ర సాంకేతిక, పర్యావరణ పార్లమెంటరీ స్థాయి సంఘం నివేదిక ఇచ్చినట్లు పేర్కొన్నారు. అన్ని వయసుల వారికి వాక్సిన్​ పంపిణీ చేస్తే టీకా కొరత వస్తుందని ఊహించే.. వ్యాక్సిన్​ ఉత్పత్తిని పెంచాలని చెప్పినట్లు స్పష్టం చేశారు.

అయితే కమిటీ ఇచ్చిన నివేదికను పరిగణనలోకి తీసుకుని సీరం, భారత్ బయోటెక్​కు నిధులు సమకూర్చినట్లు ప్యానెల్​ సభ్యుడు, భాజపా ఎంపీ అనురాగ్​ శర్మ తెలిపారు.

ఇదీ చదవండి: ఉచిత టీకా​ కోసం మోదీకి విపక్ష నేతల లేఖ