పాకిస్థాన్కు చెందిన కశ్మీర్ మాజీ ఉగ్రవాదుల భార్యలు శ్రీనగర్లో మంగళవారం నిరసనబాట పట్టారు. పాక్లోని వారి తల్లిదండ్రులు, బంధువులను కలవడానికి వెళ్లేందుకు ప్రయాణ పత్రాలు ఇవ్వాలని డిమాండ్ చేశారు. ఈ మేరకు శ్రీనగర్ నుంచి ఘంటాఘర్కు కవాతు చేపట్టారు.
ఎందుకీ నిరసన?
పాక్కు చెందిన కొందరు మహిళలు గతంలో కశ్మీర్ ఉగ్రవాదులను వివాహమాడారు. ఈ నేపథ్యంలో ఆ మహిళలు తమ భర్తలతోపాటు కశ్మీర్లోనే స్థిరపడ్డారు. అయితే.. ఆయుధాల కోసం సరిహద్దు దాటి పాక్కు వెళ్తుండగా పట్టుబడ్డారు. దీంతో వారిని మాజీ ఉగ్రవాదుల కింద చేర్చిన అధికారులు.. పునావారస విధానం కల్పించారు. ఈ నిబంధన ప్రకారం.. వారు తల్లిదండ్రులను, బంధువులను సరిహద్దు అవతలివైపు నుంచి మాత్రమే కలుసుకునేందుకు వీలుంటుంది. ఈ నిబంధనను రద్దు చేయాలని డిమాండ్ చేస్తూ ఆందోళన బాటపట్టారు ఈ పాకిస్థానీ ఉగ్రవాదుల భార్యలు. వృద్ధాప్యంలో ఉన్న తమ తల్లిదండ్రులను కలిసేందుకు వెళ్లడానికి వీలు కల్పించాలని కోరారు.
"మాకు కల్పించిన పునరావాస విధానం వల్ల ఎలాంటి గుర్తింపు లేదు, రేషన్ కార్డులూ లేవు. ఫలితంగా పిల్లలను పాఠశాలల్లో చేర్పించలేకపోతున్నాం. మా భర్తలకు కూడా ఎలాంటి జీవనోపాధి లేదు."
- మహిళా నిరసనకారులు
ఇదీ చదవండి: కాలిన గాయాలతో.. రోడ్డు పక్కన నగ్నంగా..
