అఫ్గానిస్థాన్ సంక్షోభం(afghanistan news today) నేపథ్యంలో భారత్కు ఆందోళనకర వార్త అందింది. పాకిస్థాన్ ఆధారిత జైషే మహమ్మద్(jaish e mohammed news) నేతలు.. తాలిబన్లతో భేటీ అయినట్టు నిఘా వర్గాలకు సమాచారం అందింది. జమ్ముకశ్మీర్లో ఉగ్రదాడులకు పాల్పడే అవకాశమున్నట్టు నిఘా వర్గాలు హెచ్చరించాయి.
అఫ్గాన్ను తాలిబన్లు(taliban news) తమ వశం చేసుకున్న కొద్ది రోజులకే, ఆగస్టు మూడో వారంలో జైషే మహమ్మద్ నేతలు తాలిబన్లతో కాందహార్ వేదికగా చర్చలు జరిపినట్టు ఓ సీనియర్ అధికారి వెల్లడించారు. భారత్ కేంద్రబిందువుగా సాగే తమ కార్యకలాపాలకు మద్దతివ్వాలని జైషే మహమ్మద్ తాలిబన్లను కోరినట్టు సమాచారం ఉందని ఆయన తెలిపారు. పాకిస్థాన్ రాజకీయ పరిస్థితులపైనా ఈ సమావేశంలో చర్చలు జరిగినట్టు తెలుస్తోంది.
నిఘావర్గాల హెచ్చరికలతో అధికారులు అప్రమత్తమయ్యారు. సరిహద్దు వెంబడి భద్రతను కట్టుదిట్టం చేశారు. ఉగ్రవాద నిరోధక బృందాలను హై అలర్ట్లో ఉంచాలని కేంద్రం అన్ని రాష్ట్రాలకు ఆదేశాలు జారీ చేసింది.
"సామాజిక మాధ్యమాలపై ప్రత్యేక దృష్టి పెట్టాలని నిఘా సంస్థలను ఆదేశించాము. ఆగస్టు 24న సరిహద్దులో ఇద్దరు ఉగ్రవాదుల కదలికలను పసిగట్టాము. శ్రీనగర్లో వారు గ్రనేడ్ దాడికి ప్రణాళికలు రచిస్తున్నట్టు సమాచారం ఉంది. అన్ని విధాలుగా అప్రమత్తంగా ఉండాలని అధికారులకు స్పష్టం చేశాము."
--- నిఘా అధికారి.
గతంలోనూ..
తాలిబన్లతో జైషే ముష్కరుల సంబంధాలు ప్రపంచానికి తెలియనివేం కాదు. 2020 ఏప్రిల్ 13-14 తేదీల్లో అఫ్గాన్ నేషనల్ డైరెక్టరేట్ ఆఫ్ సెక్యూరిటీ(ఎన్డీఎస్) కమాండో బృందం.. పాక్ సరిహద్దుకు సమీపంలోని మొమంద్ దరాలో ఉన్న తాలిబన్ క్యాంప్పై దాడి చేసింది. ఈ ఎన్కౌంటర్లో 15మంది ఉగ్రవాదులు మరణిస్తే.. అందులో జైషేకు చెందిన ముష్కరులే 10మంది ఉన్నారు. వీరంతా పాక్, పీఓకేకు చెందినవారే. కశ్మీర్లో పోరాడేందుకు తాలిబన్లు వీరికి శిక్షణ ఇస్తున్నారు.
లష్కరే తోయిబా, జైషే మహమ్మద్ ఉగ్రసంస్థలు.. తాలిబన్లకు మానవ వనరులను అందిస్తున్నాయి. పంజాబ్ ప్రావిన్స్ నుంచి 'పోరాట యోధుల'ను అఫ్గాన్కు పంపుతున్నాయి. ఇటీవల తాలిబన్లు చేపట్టిన వివిధ ఆపరేషన్లలో జైషే, లష్కరే భాగమయ్యారని వార్తలు వస్తున్నాయి. కొన్ని ప్రాంతాల్లో ముష్కరులు కనిపించినట్లు పలు కథనాలు వెలువడుతున్నాయి. ఐరాస భద్రతా మండలి నివేదిక సైతం ఈ విషయాన్ని ప్రస్తావించింది. ఈ రెండు సంస్థలు పాకిస్థాన్ నుంచే పనిచేయడం, భారత్ను లక్ష్యంగా చేసుకొనే కార్యకలాపాలు సాగించడం గమనార్హం.
దేశంలో ముంబయి ఉగ్రదాడి, పుల్వామా ఉగ్ర ఘాతుకానికి పాల్పడింది జైషే మహ్మద్ సంస్థే. దీని వెనక ఆ సంస్థ వ్యవస్థాపకుడు, కరుడుగట్టిన ఉగ్రవాది మసూద్ అజార్(jaish e mohammed leader) హస్తం ఉంది. ఈ క్రమంలో తమపై కుట్ర పన్నేందుకు పాక్ మసూద్ సహాయం తీసుకుంటోందని భారత్ ఆరోపిస్తోంది. స్వయంగా పాకిస్థాన్ ఆర్మీ, ఐఎస్‌ఐ కలిసి అజార్‌ను అత్యంత భద్రమైన ప్రదేశంలో దాచారని పేర్కొంది. పాక్లోని బహవల్‌పూర్‌లో ఓ బుల్లెట్‌ ప్రూఫ్‌ ఇంట్లో అజార్ సురక్షితంగా దాక్కొన్నట్లు తమకు సమాచారం ఉందని చెబుతోంది.
ఇదీ చూడండి:- తాలిబన్లతో జైషే, లష్కరే జట్టు- భారత్ పరిస్థితేంటి?
