వాహనాల్లో ఇంధనం నింపడం.. పరీక్షలు కంటే చిన్న విషయం కాదని కేంద్రంపై తీవ్ర విమర్శలు చేశారు కాంగ్రెస్ అగ్రనేత రాహుల్ గాంధీ. పరీక్షల మీదే కాదు.. చమురు ధరలపై తప్పనిసరిగా ప్రధాని నరేంద్ర మోదీ చర్చించాలని పేర్కొన్నారు. 'పరీక్షా పే చర్చ' కార్యక్రమం ద్వారా విద్యార్థులతో ప్రధాని మాట్లాడిన నేపథ్యంలో రాహుల్ ఈ వాఖ్యలు చేశారు.
"వాహనాల్లో ఇంధనం నింపడం పరీక్షల కంటే తక్కువ కాదు. కేంద్ర ప్రభుత్వం విధించిన అధిక పన్నులే చమురు ధరల పెరగుదలకు కారణం. దీనిపై ప్రధాని ఎందుకు చర్చించడంలేదు? వ్యయంతో కూడుకున్న ఈ వ్యవహారంపై కచ్చితంగా చర్చించాలి." అని హిందీలో ట్వీట్ చేశారు రాహుల్.
చమురు ధరల పెరుగుదల సామాన్య ప్రజలపై తీవ్ర ప్రభావం చూపుతోంది. గత ఎనిమిది రోజులుగా ముడి చమురు ధరలు తగ్గినప్పటికీ.. దేశంలో పెట్రోలు, డీజిల్ ధరల తగ్గకపోవడం గమనార్హం.
ఇదీ చూడండి: కేంద్రం సాయంపై శరద్ పవార్ కీలక వ్యాఖ్యలు
