పూరీ జగన్నాథుడిని దర్శించుకునేందుకు వచ్చిన ఒడిశా గవర్నర్ గణేశీ లాల్కు చేదు అనుభవం ఎదురైంది. కరోనా నెగటివ్ రిపోర్టు సమర్పించని కారణంగా గుడి లోపలకు వెళ్లకుండానే వెనుదిరిగాల్సి వచ్చింది. ఆలయం సింహ ద్వారం నుంచే స్వామి దర్శనం చేసుకుని తిరిగి రాజ్భవన్కు చేరుకున్నట్లు అధికారులు తెలిపారు.
అడ్డగించారా?
కొవిడ్ వల్ల మూతపడిన ఆలయం ఇటీవలే తిరిగి తెరుచుకుంది. దర్శనానికి వచ్చే భక్తులు తప్పనిసరిగా కరోనా రిపోర్ట్ సమర్పించాల్సి ఉంటుందని అధికారులు షరతు విధించారు. అయితే టెస్టు చేయించుకోకుండానే గవర్నర్ ఆలయానికి వచ్చారు. రిపోర్టు లేదని గవర్నర్ను ఎవరైనా అడ్డుకున్నారా అని ప్రశ్నించగా... అధికారులు అలాంటిదేం లేదని సమాధానమిచ్చారు. గణేశీ లాల్ నిబంధనలను గౌరవిస్తూ, తనంతట తాను వెనుదిరిగారని స్పష్టంచేశారు.
