ఛత్తీస్గఢ్లోని కాంకేర్ జిల్లా అంబేడా ప్రాంతంలో భద్రతా దళాలే లక్ష్యంగా బాంబులు అమరుస్తున్న నక్సలైట్లకు ఎదురుదెబ్బ తగిలింది. భూమిలో అమర్చుతుండగా అదే బాంబు పేలి ఒక నక్సలైట్ మరణించాడు.
ఈ నెల 18న జరిగిన ఘటన ఆలస్యంగా వెలుగులోకి వచ్చింది. ఉదయం 6గంటల ప్రాంతంలో సహదేవ్ వేద్దా.. అంబేడాకు సమీపంలో ఐఈడీ బాంబు అమర్చుతున్నాడు. ఈ క్రమంలో అది పేలి వేద్దా అక్కడికక్కడే మరణించాడు. సమీపంలోని నక్సలైట్లు గాయపడ్డారు.
అమరవీరునిగా..
ఘటన జరిగిన వారం రోజులకు సోమ్జీ అలియాస్ సహదేవ్ వేద్దా మరణాన్ని మావోయిస్టు పార్టీ ధ్రువీకరించింది. ఈ మేరకు ఉత్తర బస్తర్ డివిజనల్ కమిటీ ప్రతినిధి సుఖ్దేవ్ పత్రికా ప్రకటనను విడుదల చేశాడు. చనిపోయిన నక్సలైట్ను అమరవీరుడుగా పేర్కొన్నారు. ఉత్తర బస్తర్ డివిజన్లోని అనేక గ్రామాల్లో కరపత్రాలు పంపిణీ చేసి.. నక్సలైట్లకు సంబంధించిన బ్యానర్లు, పోస్టర్లను ప్రదర్శించారు.
ఇదీ చదవండి: ముష్కరుల గుట్టురట్టు- భారీగా ఆయుధాలు స్వాధీనం
