రాజస్థాన్ అల్వార్ జిల్లాలో ముక్కలుగా చేసిన 11ఏళ్ల బాలుడి మృతదేహం కలకలం రేపింది. క్షుద్ర పూజ కోసం తమ కుమారుడిని హత్య చేశారని తల్లిదండ్రులు ఆరోపిస్తున్నారు.
రెండు రోజుల నుంచి తన కుమారుడు నిర్మల్ కనిపించడంలేదని అల్వార్ పోలీసు స్టేషన్లో ఫిర్యాదు చేశారు తల్లీదండ్రులు. దీంతో రంగంలోకి దిగిన పోలీసులు.. పంట పోలంలో శరీరం నుంచి ముక్కు, చెవులు, వేళ్లు వేరు చేసిన బాలుడి మృతదేహాన్ని గుర్తించారు. నిర్మల్ శరీరాన్ని కత్తితో కోసిన ఆనవాళ్లు ఉన్నాయన్నాయని పోలీసులు తెలిపారు.
బంధువుల పనే!
"నా కుమారుడు రెండు క్రితం అదృశ్యమయ్యాడు. అన్ని ప్రదేశాల్లో వెతికాం. ఎక్కడా నిర్మల్ జాడ కనిపించలేదు. మూఢ విశ్వాసాల కోసం మా బంధువులే ఈ దారుణానికి ఒడిగట్టారు" అని బాలుడి తండ్రి.. ఈటీవీ భారత్కు చెప్పుకొచ్చారు.
ఈ కేసుపై ముమ్మర విచారణ చేపడుతున్నట్లు ఆ జిల్లా ఎస్పీ తేజస్వీ గౌతం తెలిపారు.
ఇదీ చూడండి: అసోంలో ఘోర ప్రమాదం- ఆరుగురు మృతి
