Mother daughter Killed: మహారాష్ట్ర ముంబయిలో దారుణ ఘటన జరిగింది. డ్రైవర్తో కలిసి సొంత తొల్లి, అక్కను హత్య చేసింది ఓ కూతురు. ఆ తర్వాత డ్రైవర్తో పాటే ఉరి వేసుకుని ఆత్మహత్యకు పాల్పడింది. బుధవారం అర్ధరాత్రి దాటిన తర్వాత కందివలి రైల్వే స్టేషన్ సమీపంలో ఈ ఘటన జరిగింది. ఘటనా స్థలానికి చేరుకున్న పోలీసులకు తల్లీకూతుళ్ల శవాలు భవనం రెండో అంతస్తులో రక్తపుమడుగులో కన్పించాయి. చిన్నకూతురు, డ్రైవర్ శవాలు మొదటి అంతస్తులో ఉరికి వేలాడుతూ ఉన్నాయి.
ఈ నలుగురు చనిపోయిన రెండు అంతస్తుల భవనం ఇల్లు, ఆస్పత్రిగా ఉంది. హత్యకు గురైన వారిని కిరణ్ దాల్వి(45), ఆమె కూతురు ముస్కాన్(26)గా గుర్తించారు పోలీసులు. ఆత్మహత్య చేసుకున్న చిన్న కుమార్తె పేరు భూమి(17) కాగా.. డ్రైవర్ పేరు శివ్దయాల్ సేన్(60). కిరణ్ దాల్వి, ముస్కాన్ను చంపి తామూ ఆత్మహత్య చేసుకుంటున్నట్లు డ్రైవర్ వద్ద లభించిన లేఖల్లో ఉందని పోలీసులు తెలిపారు. అతడు ఈ ఇంట్లో పదేళ్లుగా పనిచేస్తున్నట్లు చెప్పారు. ఇంటి గొడవల వల్లే ఈ హత్యలు, ఆత్మహత్యలు జరిగినట్లు భావిస్తున్నామన్నారు. కేసు నమోదు చేసుకుని దర్యాప్తు చేపట్టినట్లు పేర్కొన్నారు.
కందివలి(వెస్ట్)లోని దేనా బ్యాంక్ జంక్షన్లో ఓ వ్యక్తి కొడవలి పట్టుకుని తిరుగుతున్నట్లు తమకు మొదట సమాచారం అందిందని పోలీసులు చెప్పారు. ఆ తర్వాత ఆ ప్రాంతానికి చేరుకోగా.. దాల్వి హాస్పిటల్ భవనంలోకి కొడవలి కల్గిన ఓ వ్యక్తి, ఇద్దరు మహిళలు వెళ్లారని.. ఆ తర్వాత లోపలి నుంచి అరుపులు కేకలు వినిపించిట్లు స్థానికులు చెప్పారని వెల్లడించారు. గురువారం ఉదయం మూడున్నరకు భవనంలోకి వెళ్లి చూశాక మొదటి అంతస్తులో భూమి, డ్రైవర్ ఉరికి వేలాడుతూ కన్పించారని, రెండో అంతస్తులో కిరణ్ దాల్వి, ముస్కాన్ రక్తపుమడుగులో శవాలుగా ఉన్నారని వివరించారు. నాలుగు మృతదేహాలను పోస్టుమార్టం నిమిత్తం శతాబ్ది ఆస్పత్రికి తరలించినట్లు పేర్కొన్నారు.
17 ఏళ్ల బాలిక ఆత్మహత్య: ముంబయిలోని మాలాడ్ ప్రాంతంలో 17ఏళ్ల అమ్మాయి ఆత్మహత్య చేసుకుంది. తన ఫోన్ను సోదరి మురికికాలువలో పడేసిందనే కారణంతో ఉరి వేసుకుని బలవన్మరణానికి పాల్పడింది. అయితే మృతురాలికి పొరుగింటి యువకుడితో ప్రేమ వ్యవహారం నడుస్తోందని, అది తెలుసుకున్న కుటుంబసభ్యులు ఆమెను మందలించారని పోలీసులు తెలిపారు. బాలిక రోజూ లవర్తోనే మాట్లాడుతుందనే అనుమానంతో ఆమె అక్క తిట్టి.. ఫోన్ను మురికి కాలువలో పడేసిందని వివరించారు. ఇది భరించలేక బాలిక ఆత్యహత్య చేసుకున్నట్లు పేర్కొన్నారు.
భార్యను గొలుసులతో బంధించారని పిటిషన్: తన భార్యను కొందరు అక్రమంగా నిర్బంధించారని ఓ వ్యక్తి దిల్లీ హైకోర్టును ఆశ్రయించాడు. ఆమెను గొలుసులతో బంధించారని, విడిపించి తన వద్దకు తీసుకురావాలని కోరాడు. అయితే ఆ మహిళ ప్రస్తుతం ఒమన్లో ఉన్నట్లు పోలీసులు కోర్టుకు తెలిపారు. దీనిపై స్టేటస్ రిపోర్ట్ దాఖలు చేయాలి కోర్టు ప్రభుత్వాన్ని ఆదేశించింది.
బిహార్కు చెందిన ఈ వ్యక్తి చెప్పిన వివరాల ప్రకారం ఏప్రిల్లో తన భార్యకు ఓ ఫోన్ కాల్ వచ్చింది. దిల్లీ పహాఢ్గంజ్లోని హోటల్లో ఉద్యోగం ఇప్పిస్తామని చెప్పారు. అయితే అది ఫేక్ కాల్ అయి ఉంటుందని వదిలేశారు. కానీ అదే నంబర్ నుంచి పదే పదే ఫోన్ రావడం వల్ల మళ్లీ ఓసారి మాట్లాడారు. దిల్లీకి వస్తే ఉద్యోగం ఇస్తామని, ఆ తర్వాత కొన్ని రోజులకు తనకు కూడా ఉద్యోగం ఇప్పిస్తామని కాల్ చేసిన వాళ్లు చెప్పారని పిటిషనర్ కోర్టుకు చెప్పాడు. మే 29న తన భార్య బిహార్ నుంచి దిల్లీకి వెళ్లిందని, పహాఢ్గంజ్లోని హోటల్లో ఉన్నట్టు తనకు చెప్పిందని వివరించాడు. ఆ తర్వాత ఆమె పోన్ స్విచాఫ్ అయిందని తెలిపాడు.
ఆ తర్వాత మళ్లీ జూన్ 8న తన భార్య ఫోన్ చేసిందని, తనతో పాటు మరికొంత మంది మహిళల్ని ఓ భవనంలోని హాల్లో గొలుసులతో కట్టి బంధించారని, రోజుకు ఒక్కసారి మాత్రమే ఆహారం పెడుతున్నారని చెప్పిందని వివరించాడు. తన భార్యను వ్యభిచార గృహంలో బంధించి ఉంటారని అనుమానం వ్యక్తం చేశాడు. ఈ విషయంపై జూన్ 10నే దిల్లీ పోలీసులకు ఫిర్యాదు చేసినా పట్టించుకోలేదని, అందుకే కోర్టును ఆశ్రయించినట్లు చెప్పాడు. ఈ ఫిర్యాదుపై ప్రభుత్వాన్ని స్టేటస్ రిపోర్టు కోరి, తదుపరి విచారణను జులై 7కు వాయిదా వేసింది న్యాయస్థానం.
గ్యాంగ్రేప్ కేసులో నిందితులు అరెస్ట్: జూన్ 24న ఉత్తరాఖండ్ రూర్కీలో తల్లికూతుళ్లపై జరిగిన అత్యాచార ఘటనకు సంబంధించి ఐదుగురు నిందితులను పోలీసులు అరెస్టు చేశారు. నిందితుల్లో నలుగురు ఉత్తర్ప్రదేశ్ చెందినవారు కాగా.. ఒక్కడు స్థానికుడు. యూపీకి చెందిన నలుగురు నిందితుల్లో ఒకరు భారతీయ కిసాన్ యూనియన్(బీకేయూ) మండల ప్రధాన కార్యదర్శి. విషయం తెలిశాక బీకేయూ అతడ్ని సస్పెండ్ చేసింది.
జూన్ 24న తల్లి, ఐదేళ్ల కూతురును కారులో ఎక్కించుకుని వారిపై అత్యాచారానికి పాల్పడ్డారు ఈ ఐదుగురు. ఈ ఘటన రాష్ట్రంలో తీవ్ర దుమారం రేపింది. దీంతో హరిద్వార్ పోలీసులు అప్రమత్తమై ఆరు రోజుల్లో నిందితులను పట్టుకున్నారు.
ఇదీ చదవండి: బిగ్ ట్విస్ట్.. 'మహా' సీఎంగా ఏక్నాథ్ శిందే.. ప్రభుత్వానికి దూరంగా ఫడణవీస్
