కశ్మీర్లో కురుస్తోన్న మంచు
కశ్మీర్లోని పలు ప్రాంతాలను హిమపాతం కప్పేసింది. ఈ సీజన్లో తొలిసారి కురిసిన మంచు కారణంగా.. పీర్పంజాల్ పర్యటక ప్రాంతం సమీపంలోని మొఘల్ రోడ్డుపై రాకపోకలకు అంతరాయం ఏర్పడింది. దాదాపు 86 కిలోమీటర్ల మేర రహదారిపై మంచు పేరుకుపోయింది.
10 మందిని కాపాడిన పోలీసులు..
దక్షిణ కశ్మీర్ షోపియాన్ కొండ ప్రాంతంలోని మొఘల్ రోడ్ సమీపంలో విద్యుత్ స్తంభాలు ఏర్పాటు చేస్తూ కొందరు కూలీలు మంచులో ఇరుక్కు పోయారు. వారిని రక్షించి సురక్షిత ప్రాంతాలకు తరలించినట్లు స్థానిక పోలీసులు పేర్కొన్నారు. దాదాపు 10 మందిని కాపాడినట్లు తెలిపారు.
కశ్మీర్లోని మొఘల్ రోడ్తో పాటు ఇతర ప్రాంతాల్లోనూ శనివారం నుంచి మంచు భారీగా కురుస్తోంది.
