కరోనా టీకా తీసుకున్న ఓ 16ఏళ్ల బాలుడు (minor vaccine) అస్వస్థతకు గురైనట్లు తెలుస్తోంది. ఈ ఘటన మధ్యప్రదేశ్లోని మొరెనా జిల్లాలో జరిగింది. మైనర్లకు టీకా కార్యక్రమం (vaccine for under 18) ప్రారంభం కానప్పటికీ సదరు బాలుడికి టీకా ఎలా ఇచ్చారనేదానిపై దర్యాప్తు చేస్తున్నట్లు ఓ సీనియర్ అధికారి తెలిపారు.
ఎక్కడ? ఎలా?
అంబా తాలుకాలోని బాగ్కా పురకు చెందిన కమ్లేశ్ కుష్వాహా కుమారుడు పిల్లుకు ఓ కేంద్రంలో శనివారం టీకా వేశారు. ఆ తర్వాత అతనికి తల తిరగడం సహా నోటి నుంచి నురగ వచ్చిందని సమాచారం. దీంతో ఆంబాలోని వైద్యులు చికిత్స కోసం అతడిని గ్వాలియర్ వెళ్లమని సూచించారు.
ఈ ఘటనతో వ్యాక్సిన్ కేంద్రం వద్ద గొడవకు దిగారు పిల్లు కుటుంబ సభ్యులు.
అయితే పిల్లు గ్వాలియర్కు వెళ్లాడా లేదా అని తెలుసుకుంటున్నట్లు జిల్లా ముఖ్య వైద్య, ఆరోగ్య అధికారి డా.ఎ.డి. శర్మ తెలిపారు. అతడు ఆస్పత్రికి కాకుండా ఇంటికే వెళ్లినట్లు తమకు తెలిసిందని అన్నారు.
మైనర్కు టీకా ఎలా వేశారు అని తెలుసుకునేందుకు దర్యాప్తునకు ఆదేశించినట్లు డా. శర్మ తెలిపారు. పిల్లు ఆధార్ కార్డును పరిశీలిస్తామని చెప్పారు. పిల్లు ఆధార్ కార్డులో అతడి పుట్టిన రోజు 2005 జనవరి 1గా ఉన్నట్లు స్థానికులు తెలిపారు.
త్వరలోనే చిన్నారులకూ టీకా!
12 ఏళ్లు పైబడినవారి కోసం దేశీయంగా జైడస్ క్యాడిలా సంస్థ అభివృద్ధి చెందిన జైకోవ్-డి టీకా అత్యవసర వినియోగానికి ఇదివరకే అనుమితించింది డీజీసీఐ. మిగతా టీకాలకు భిన్నంగా దీన్ని 3 డోసులుగా ఇవ్వాల్సి ఉంటుంది. ఈ వయసువారికి దేశంలో అందుబాటులోకి వచ్చిన మొదటి కొవిడ్‌ టీకా ఇదే.
ఇదీ చూడండి: Zycov-D Vaccine: సెప్టెంబర్ నుంచి జైకోవ్-డి టీకా!
