మధ్యప్రదేశ్ అసెంబ్లీ స్పీకర్, భాజపా ఎమ్మెల్యే గిరీశ్ గౌతమ్.. ఆదివారం నుంచి తన నియోజకవర్గం రీవాలో సైకిల్ యాత్రకు శ్రీకారం చుట్టారు. అయితే.. ఈ యాత్ర ప్రారంభం కంటే ముందే ఆయనకు ఓ అనూహ్య సంఘటన ఎదురైంది. ఈ యాత్ర కోసం ఆయన సిద్ధం చేసుకున్న రూ.30 వేల విలువ చేసే సైకిల్ చోరీకి గురైంది.
ఈ యాత్ర కోసం గిరీశ్ గౌతమ్.. రెండు సైకిళ్లను సిద్ధం చేసుకున్నారు. ఒకదాన్ని రీవాలో వినియోగించేందుకు.. మరొకదాన్ని భోపాల్లో బ్యాకప్గా ఏర్పాటు చేసుకున్నారు. ఈ యాత్ర కోసం 'రీవాంచల్ ఎక్స్ప్రెస్ రైలు'లో రీవాకు వెళ్లారు గిరీశ్ గౌతమ్. అయితే.. భోపాల్- బీనా మధ్యలో రైలులో తన సైకిల్ చోరీకి గురైంది. దీనిపై బీనాలో రైల్వే అధికారులకు ఫిర్యాదు చేశారు గీరీశ్ గౌతమ్.
రైల్వే పోలీసులు.. సైకిల్ చోరీని ఛేదించే పనిలో ఉన్నారు. మరోవైపు.. రీవాలోని పదారియా గ్రామం నుంచి సైకిల్ యాత్ర చేపట్టారు గిరీశ్ గౌతమ్. ఈ యాత్ర అక్టోబరు 31న దేవ్తలాబ్లో ముగియనుంది. చివరిరోజున ఈ కార్యక్రమానికి మధ్యప్రదేశ్ ముఖ్యమంత్రి శివరాజ్ సింగ్ చౌహాన్ హాజరుకానున్నారు.
ఇదీ చూడండి: గొర్రెల కోసం వచ్చి ఇంట్లో దూరిన చిరుత
