తమిళనాడులో 234 స్థానాలకు ఓటింగ్ జరుగుతున్న వేళ సినీ తారల సందడి నెలకొంది. తమ ఓటు హక్కును వినియోగించుకునేందుకు ప్రముఖ నటులు పోలింగ్ కేంద్రాలకు తరలివెళుతున్నారు.
కమల్-రజనీ..
దిగ్గజ నటుడు, మక్కం నీది మయ్యం అధినేత కమల్ హాసన్.. చెన్నై తేన్యంపేట్లోని ఓ పాఠశాలలో తన ఓటు హక్కును వినియోగించుకున్నారు. కమల్ కుమార్తెలు శృతి హాసన్, అక్షర హాసన్లు కూడా తండ్రితో కలిసి ఓటేశారు.
ప్రముఖ నటుడు, సూపర్స్టార్ రజనీకాంత్ థౌజెండ్ లైట్స్ నియోజకవర్గంలోని ఓ పోలింగ్ బూత్లో ఓటేశారు.
నిజానికి రజనీ ఈ ఎన్నికల్లో పోటీ చేయాల్సి ఉంది. కానీ అనారోగ్యం కారణంగా చివరి నిమిషంలో రాజకీయాల నుంచి తప్పుకున్నారు.
నటులు సూర్య-కార్తిలు చెన్నైలో ఓటు హక్కును వినియోగించుకున్నారు. సామాన్య ప్రజల మధ్యలో నిల్చొని ఓటు వేశారు.
మరో దిగ్గజ నటుడు అజిత్.. తన సతీమణి షాలినీతో కలిసి తిరువన్మియూర్ కుప్పం బీచ్ పోలింగ్ కేంద్రంలో ఓటు వేశారు.
ఇదీ చూడండి:- ఓట్ల పండగ షురూ- పోలింగ్ కేంద్రాలకు తరలిన ప్రజలు
