కరోనా నియంత్రణలో మోదీ సర్కారు విఫలమైందని మండిపడ్డారు కాంగ్రెస్ నాయకురాలు ప్రియాంక గాంధీ. ప్రధాని నరేంద్ర మోదీ.. అత్యవసర సమయంలో ఎజెక్ట్ బటన్ నొక్కే పైలట్ లాంటివారని విమర్శిస్తూ ట్వీట్ చేశారు.
"దేశంలో కొవిడ్ కేసులు పెరుగుతున్న తీరు చూస్తుంటే ఆశ్చర్యంగా ఉంది. టీకాలు ఎగుమతి చేసే సామర్థ్యం గలవారి నుంచి.. టీకాలు దిగుమతి చేసుకునే స్థాయికి వచ్చాం. మోదీ.. అత్యవర పరిస్థితుల్లో ఎగ్జిట్ బటన్ నొక్కే పైలట్ లాంటివారు. 70 ఏళ్ల కాంగ్రెస్ కృషిని వృథా చేశారు."
--ప్రియాంక గాంధీ, కాంగ్రెస్ నాయకురాలు.
ఉత్తర్ప్రదేశ్లో కొవిడ్ వ్యాప్తి తీవ్రంగా ఉందని, 10 రోజుల్లో వైరస్ వ్యాప్తి ఏడింతలు పెరిగిందని ఆందోళన వ్యక్తం చేశారు ప్రియాంక. టెస్టులు తక్కువగా నిర్వహిస్తున్నారని మండిపడ్డారు. లఖ్నవూ, నోయిడా, గాజియాబాద్, బనారస్, అలహాబాద్లో కూడా టెస్టుల నిర్వహణ ఆలస్యమవడమేంటని ప్రశ్నించారు. రాష్ట్ర ప్రజలను కాపాడాలంటే ముందుగా ఆర్టీ- పీసీఆర్ పరీక్షలు ఎక్కువగా నిర్వహించాలని సూచించారు.
ఇదీ చదవండి:గుల్మార్గ్లో హిమపాతం- పర్యటకులు ఫిదా
