Mobile Snatchers Tamilnadu: తమిళనాడులోని తిరుప్పుర్లో దారిదోపిడీ దొంగలు రెచ్చిపోయారు. ఆదివారం రాత్రి 11గంటల సమయంలో రోడ్డుపై వెళ్తున్న సతీశ్, రంజిత్ అనే ఇద్దరు యువకులపై ఆకస్మిక దాడి చేశారు.
మూడు ద్విచక్రవాహనాల్లో వచ్చిన దుండగులు.. వారిని కొట్టి ఒంటిపై ఉన్న ఆభరణాలు, పర్సులు లాక్కున్నారు. సతీశ్ను సెల్ఫోన్ ఇవ్వాలని పట్టుబట్టారు. సతీశ్ ప్రతిఘటించడంతో అతడి తల నరికి మెండెంతో అక్కడి నుంచి పరారయ్యారు.
ఎలాగోలా వారినుంచి తప్పించుకున్న రంజిత్.. ప్రస్తుతం తిరుప్పుర్లోని ప్రభుత్వ ఆస్పత్రిలో చికిత్సపొందుతున్నాడు. సతీశ్ మృతదేహాన్ని స్వాధీనం చేసుకుని పంచనామాకు తరలించారు. సతీశ్ స్వస్థలం కుంబకోణం కాగా.. రంజిత్ స్వస్థలం తిరుచినాపల్లి అని పోలీసులు తెలిపారు.
నగర పోలీస్ కమిషనర్ ఏజీ బాబు ఈ ఘటనపై విచారణ చేపట్టారు. నాలుగు ప్రత్యేక పోలీస్ బృందాలతో దుండగులను గాలిస్తున్నారు.
ఇదీ చూడండి: వయసు 60+.. 14 మందికి భర్త.. 7 రాష్ట్రాలకు అల్లుడు.. చివరకు..
