బాలికకు వరుస లైంగిక వేధింపులు

కేరళకు చెందిన ఓ బాలికకు వరుస లైంగిక వేధింపులు ఎదురవుతున్నాయి. ఇది వరకే రెండు సార్లు లైంగిక దాడికి గురైన బాలిక.. సంరక్షణ కేంద్రం నుంచి బయటకు రాగానే మరోసారి వేధింపుల బారిన పడింది.

కేరళకు చెందిన ఓ మైనర్​పై లైంగిక దాడికి పాల్పడ్డారు దుండగులు. గతంలో రెండుసార్లు ఇలాంటి వేధింపులు ఎదుర్కొన్న బాలిక.. ఇన్ని రోజులు ఓ సంరక్షణ కేంద్రంలో గడిపింది. అక్కడి నుంచి బయటకు రాగానే మళ్లీ వేధింపులు ఎదురయ్యాయి.

2016, 2017 సంవత్సరాల్లో లైంగిక వేధింపులు ఎదురైన నేపథ్యంలో పండిక్కడ్​కు చెందిన 17 ఏళ్ల బాలికను.. నిర్భయ చైల్డ్​కేర్ హోమ్​కు తరలించారు అధికారులు. నిందితులపై పోక్సో చట్టం ప్రకారం కేసు నమోదు చేశారు. అనంతరం బాలికను కుటుంబ సభ్యులకు అప్పగించారు. అక్కడి నుంచి బయటకు రాగానే ఆమెపై మళ్లీ లైంగిక దాడి జరిగింది.

ఈ నేపథ్యంలో అధికారుల పర్యవేక్షణపై విమర్శలు వ్యక్తమవుతున్నాయి. సంరక్షణ కేంద్రాల నుంచి బయటకు వచ్చిన బాధితుల భద్రతపై ప్రశ్నలు తలెత్తుతున్నాయి.

ఇదీ చదవండి: 13 ఏళ్ల బాలికపై 9 మంది అత్యాచారం