Minor Girls Kills Old Man Kerala: తమ తల్లిపై అఘాయిత్యానికి ఒడిగట్టేందుకు యత్నించిన మామను(మేనత్త భర్త)నరికి చంపారు ఇద్దరు బాలికలు. అనంతరం పోలీస్స్టేషన్లో లొంగిపోయారు. కేరళ వయనాడ్ అంబాలావయల్ పోలీస్ స్టేషన్ పరిధిలోని అయిరంకొల్లి గ్రామంలో ఈ ఘటన జరిగింది.
ఏం జరిగిందంటే..?
అయిరంకొల్లి గ్రామానికి చెందిన మహమ్మద్ (70).. మంగళవారం ఉదయం 11 గంటల సమయంలో బాలికల ఇంట్లోకి ప్రవేశించి వారి తల్లిని అత్యాచారం చేసేందుకు యత్నించాడు. దీంతో ఇద్దరు మైనర్ మహమ్మద్పై గొడ్డలితో దాడి చేశారు. ఈ దాడిలో అతడు మృతిచెందాడు. మృతదేహాన్ని బ్యాగులో కుక్కి.. స్థానికంగా ఉన్న బావిలో పడేశారు. అనంతరం అంబాలావయల్ పోలీస్ స్టేషన్కు వెళ్లి జరిగిన విషయం చెప్పారు.
బాలికలతోపాటు వారి తల్లిని అరెస్ట్ చేశారు పోలీసులు. మృతదేహాన్ని స్వాధీనం చేసుకున్నారు. ఈ ఘటనపై దర్యాప్తు ప్రారంభించారు.
ఇదీ చూడండి: 29 ఏళ్లు పాక్ జైల్లో మగ్గి.. ఎట్టకేలకు స్వదేశానికి...
