ఉత్తర్ప్రదేశ్ గాజియాబాద్లో(Uttar Pradesh Ghaziabad) దారుణ ఘటన వెలుగు చూసింది. ఐదేళ్ల బాలికపై 13 ఏళ్ల బాలుడు అత్యాచారానికి పాల్పడ్డాడు. ఆ బాలుడ్ని పోలీసులు పిల్లల సంరక్షణ గృహానికి తరలించారు.
అసలేం జరిగింది..?
గాజియాబాద్లోని(Uttar Pradesh Ghaziabad) విజయ నగర్ ప్రాంతానికి చెందిన ఓ చిన్నారి(5).. తన సోదరుడితో కలిసి ట్యూషన్ కోసం ఓ ఉపాధ్యాయుడి ఇంటికి వెళ్లింది. అయితే.. అక్కడ ఆ టీచర్ లేడు. ఆ తర్వాత ఏదో పని కోసం బాలికను అక్కడే ఉంచి.. ఆమె సోదరుడు తమ ఇంటికి వెళ్లాడు.
ఆ సమయంలో ట్యూషన్ టీచర్ కుమారుడు(13).. సదరు బాలికపై అత్యాచారానికి పాల్పడ్డాడు. చిన్నారి.. ఏడుస్తూ ఇంటికి వచ్చి తన తల్లికి విషయం చెప్పింది. దీంతో ఆమె పోలీసులకు ఫిర్యాదు చేసింది.
చిన్నారి తండ్రి రిక్షా నడపుతూ కుటుంబాన్ని పోషిస్తాడని పోలీసులు తెలిపారు. వారు ఆ ఉపాధ్యాయుడికి చెందిన ఇంట్లోనే అద్దెకు ఉంటారని చెప్పారు. ఈ వ్యవహారంపై చర్చించుకుని, రాజీ చేసుకుందామని నిందితుడి తండ్రి ఒత్తిడి తెచ్చాడని చిన్నారి తండ్రి ఆరోపించాడు. దీనిపై పోలీసులు కేసు నమోదు చేసుకున్నారు. బాలుడ్ని సంరక్షణ గృహానికి తరలించారు.
ఇదీ చూడండి: తుపాకీతో బెదిరించి మహిళపై సామూహిక అత్యాచారం
ఇదీ చూడండి: 21 ఏళ్ల యువతిపై 15 ఏళ్ల బాలుడి అత్యాచారయత్నం
