మహిళలు, బాలికలపై అఘాయిత్యాలు ఆగటం లేదు. కామంతో కళ్లు మూసుకుపోయి, వావివరసలు మరిచి సొంత కుటుంబీకులు, తెలిసినవారే ఎక్కువగా ఈ దుశ్చర్యలకు పాల్పడుతుండటం ఆందోళన కలిగిస్తోంది. ఆలాంటి ఘటనే మధ్యప్రదేశ్ అశోక్నగర్ జిల్లాలో ఆలస్యంగా వెలుగులోకి వచ్చింది. 10 ఏళ్ల బాలికపై ఐదుగురు కుటుంబ సభ్యులు లైంగిక వేధింపులకు(sexual exploitation) పాల్పడ్డారు.
ఏం జరిగింది?
జిల్లాలోని చందేరీ తహసీల్లో తన తల్లితో కలిసి ఉంటోంది బాలిక. కొద్ది రోజులుగా కుటుంబంలోని ఐదుగురు తనను లైంగికంగా వేధిస్తున్నారని తల్లికి ఇటీవల తెలిపింది. విషయం పూర్తిగా తెలుసుకున్న ఆమె తల్లి.. ధైర్యం చెప్పి పోలీసులకు ఫిర్యాదు చేసిందుకు సిద్ధమైంది. అయితే.. నిందితులకు ఆ ప్రాంతంలో మంచి పలుకుబడి ఉన్న క్రమంలో వారిని ఆపేందుకు యత్నించారు. పోలీసులకు చెప్పొద్దని వారిని ఒప్పించే ప్రయత్నం చేశారు.
కుటుంబ సభ్యుల మాటలను తోసిపుచ్చిన తల్లీకూతుళ్లు.. అశోక్నగర్ మహిళా పోలీస్ స్టేషన్కు వెళ్లి లైంగిక వేధింపులపై ఫిర్యాదు చేశారు. బాలిక ఫిర్యాదుతో పోక్సో సహా పలు సెక్షన్ల కింద.. కేసు నమోదు చేశారు పోలీసులు. కుటుంబ సభ్యులను విచారిస్తున్నారు.
ఇదీ చూడండి: RAPE ATTEMPT: ఆడుకుంటున్న చిన్నారిని ఇంట్లోకి తీసుకెళ్లి వృద్ధుడి అత్యాచారయత్నం!
