60 ఏళ్ల వయసులో మొక్కవోని స్థైర్యంతో..

ఓ వైపు వృద్ధాప్యం. మరో వైపు అనారోగ్య సమస్యలు. ఎముకలు కొరికే చలి. ఆపై కాలుష్యం.. ఇవేవీ లెక్క చేయలేదు వారు. వారి తపనల్లా వ్యవసాయ రంగం భవిష్యత్తు పైనే. ఇప్పుడు కాక పోతే ఇంకెప్పుడు అనే నినాదంతో రైతులు దిల్లీ సరిహద్దుల్లో చెపట్టిన ఆందోళనలో భాగం అయ్యారు ఆ ముగ్గురు వృద్ధ రైతులు. కుటుంబాన్ని విడిచి పక్షం రోజులు కావస్తోన్నా.. వెనుదిరగకుండా సింఘు సరిహద్దులో నూతన వ్యవసాయ చట్టాల రద్దుకు డిమాండ్ చేస్తున్నారు. వారే గురుదేవ్​ సింగ్​, సజ్జన్​ సింగ్, ప్రీతం సింగ్​.

కేంద్ర ప్రభుత్వం తెచ్చిన నూతన వ్యవసాయ చట్టాలకు వ్యతిరేకంగా దేశ రాజధాని దిల్లీ సరిహద్దుల్లో ఆందోళన కొనసాగిస్తున్నారు అన్నదాతలు. వీరిలో కొందరు యువకులు, మధ్యవయసున్నవారు, ముసలివారు ఉన్నారు. ఎంతో మందికి అనారోగ్య సమస్యలు వెంటాడుతున్న లెక్క చేయడం లేదు. కుటుంబాన్ని వదిలి రెండు వారాలు కావస్తోన్న మొక్కవోని స్థైర్యంతో కదం తొక్కుతున్నారు. వారిలో కొందరి పోరాట గాథలు ఇవి

"మాది పంజాబ్​లో ఓ చిన్న గ్రామం. నా వయసు 71 ఏళ్లు. ఈ మధ్యనే మోకాలికి శస్త్రచికిత్స జరిగింది. శారీరకంగా కొంత ఇబ్బందిగా ఉంది. కానీ కొత్త వ్యవసాయ చట్టాలకు వ్యతిరేకంగా పోరాటం చేయాడానికి నాకు కావాల్సినంత బలం వస్తోంది. నాకు గుర్తున్న మేరకు తరతరాల నుంచి జీవనోపాధి కోసం వ్యవసాయం మీదే ఆధారపడ్డాం. నా కుమారులు కూడా రైతులు. నేను మా పూర్వీకుల గౌరవం నా పిల్లల హక్కుల కోసం పోరాడటానికి వచ్చాను. 'నాన్న మీరు ఈ పోరాటంలో గెలిచిన తర్వాతే ఇంటికి రండి' అని నా కుమారుడు నాతో అన్నాడు. ఆ మాటలే నాకు కొత్త శక్తిని ఇస్తున్నాయి."

-గురుదేవ్ సింగ్

"రెండేళ్లలో గుండె, మూత్రపిండాలకు సంబంధించి మూడు పెద్ద శస్త్రచికిత్సలు జరిగాయి. కానీ వీటి కంటే నాకు మా రైతుల ఆందోళనను కేంద్రం పట్టించుకోక పోవడమే పెద్ద ఇబ్బందిగా అనిపిస్తోంది. ఈ మధ్యనే నాకు మనవరాలు పుట్టింది. తనని చూడాలని ఉంది. కానీ ప్రభుత్వం మా డిమాండ్లను అంగీకరించడం లేదు. నేను నా చిట్టి తల్లి భవిష్యత్తు కోసం పోరాడుతున్నాను. ఈ క్రమంలో నేను వెనుకడుగు వేసే ప్రసక్తే లేదు. ఈ పోరులో గెలిచాక నా మనవరాలికి నా ముఖం చూపిస్తాను. తన తాత రైతుల కోసం పోరాడినట్లు ఆమె తెలుసుకోవాలి."

-సజ్జన్ సింగ్

"నేను ఆర్మీ నుంచి పదవీ విరమణ పొందాను. నాకు రక్తపోటు, గుండె సమస్యలు ఉన్నాయి. ఒకప్పుడు సరిహద్దుల్లో దేశం కోసం పోరాడాను. ఇప్పుడు ఓ రైతుగా ఆందోళనల్లో పాల్గొంటున్నాను. ఉత్త చేతులతో తిరిగి వెళ్లడం కంటే ఇక్కడే మరణించడం మంచిది. అనుకున్నది సాధించి తీరుతాం. 400 కిలోమీటర్లు వచ్చిన మాకు పార్లమెంట్​ అంత దూరంలో ఏం లేదు."

-ప్రీతమ్ సింగ్

రైతుల ఆరోగ్యంపై ఆందోళన..

కరోనా వ్యాప్తి నేపథ్యంలో రైతుల ఆరోగ్యంపై ఆందోళన వ్యక్తం చేస్తున్నారు సామాజిక వేత్తలు. కొవిడ్​కు సంబంధించిన జాగ్రత్తలు పాటించకపోతే పరిస్థితి విషయంగా మారుతుందని అభిప్రాయపడుతున్నారు. కానీ రైతుల వాదన మరోలా ఉంది. 'కేంద్ర ప్రభుత్వం కొత్త వ్యవసాయ చట్టాలతో ఇప్పటికే ముక్కును కట్టివేసింది. కరోనా వైరస్ గురించి మాకేం భయం లేదు. మేము మా హక్కులను కోల్పోతున్నాము. వైరస్ గురించి ఆందోళన చెందడానికి మాకు సమయం లేదు' అని రెండు వారాలుగా నిరసన కార్యక్రమాల్లో పాల్గొంటున్న గగన్‌దీప్ సింగ్