కరోనా కేసులు పెరుగుతున్న నేపథ్యంలో గుజరాత్లోని సూరత్లో మళ్లీ లాక్డౌన్ విధిస్తారనే వదంతులు ఊపందుకున్నాయి. దీంతో సూరత్లోని వలస కార్మికులు, కూలీలు వారి సొంత రాష్ట్రాలకు తరలిపోతున్నారు. అయితే ఇదంతా ట్రావెల్ ఏజెంట్లు కావాలని చేస్తున్న ప్రచారమని కొందరు అంటున్నారు. దీనివల్ల బస్సు టికెట్లు బాగా అమ్ముడు పోతాయని భావిస్తున్నారని వెల్లడించారు.
'లాక్డౌన్ పెట్టే ప్రసక్తే లేదు'
లాక్డౌన్ పెట్టే ప్రసక్తే లేదని గుజరాత్ ముఖ్యమంత్రి విజయ్రూపానీ స్పష్టం చేశారు. లాక్డౌన్ పెడతారని వస్తున్న వదంతుల్ని నమ్మవద్దని ప్రజలకు సూచించారు.
లాక్డౌన్ పెట్టట్లేదని దయచేసి ఎవరూ సొంత రాష్ట్రాలకు వెళ్లొద్దని భాజపా కార్పొరేటర్ సుధా పాండే ప్రజల్లి కోరారు. బస్టాండ్లు, ఫ్యాక్టరీ ప్రదేశాలకు వెళ్లి ఆమె ప్రచారం చేస్తున్నారు. ఈ సందర్భంగా ఈటీవీ భారత్తో మాట్లాడారు.
అయితే లాక్డౌన్ పెడతారన్న భయంతో వలస కార్మికులు సొంత ఊర్లకు వెళ్లడం లేదని.. హోలీ పండగ, పెళ్లిళ్లను దృష్టిలో ఉంచుకొని వెళుతున్నారని తెలిపారు. లాక్డౌన్ పెడతారన్న వదంతుల్ని ట్రావెల్ ఏజెంట్లు వ్యాప్తి చేస్తున్నారని ఆరోపించారు.
మహారాష్ట్రలోని బీడ్ జిల్లాలో లాక్డౌన్
మహారాష్ట్రలోని బీడ్ జిల్లాలో మార్చి 26నుంచి ఏప్రిల్6 వరకు లాక్డౌన్ విధిస్తున్నట్లు కలెక్టర్ రవీంద్ర జగ్తప్ వెల్లడించారు. జిల్లాలో రోజుకు 200నుంచి 300 కరోనా కేసులు నమోదవుతున్నందున ఈ నిర్ణయం తీసుకున్నామని తెలిపారు. అత్యవసర సేవలు మినహా మిగతా సేవలు బంద్ అవుతాయని ప్రకటించారు.
ఇదీ చదవండి: 18 రాష్ట్రాలకు పాకిన 'కొత్త రకం' కరోనా
