మహారాష్ట్ర సాంగ్లీ జిల్లాలో అమానవీయ ఘటన జరిగింది. స్నేహితుడిని కిడ్నాప్ చేసి హత్య చేశారు ముగ్గురు వ్యక్తులు. అనంతరం శరీరాన్ని కాల్చి.. బూడిదను నదిలో పారబోశారు. ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టి.. ముగ్గురు నిందితులను అరెస్ట్ చేశారు. ఓ చిన్న గొడవ కారణంగానే ఈ హత్య జరిగినట్లు పోలీసులు తెలిపారు.
పోలీసులు తెలిపిన వివరాల ప్రకారం..
సాంగ్లీ జిల్లాలోని వాల్వా తాలుకాకు చెందిన ఓంకార్.. అష్ట పోలీస్ స్టేషన్ పరిధిలోని ఓ ఇంట్లో అద్దెకు ఉంటున్నాడు. అయితే, ఓంకార్కు తన స్నేహితుడు సమ్మద్తో చిన్న గొడవ జరిగింది. దీంతో కోపం పెంచుకున్న సమ్మద్.. ఓంకార్ను హత్య చేయాలని పన్నాగం పన్నాడు. ఫిబ్రవరి 27న మరికొందరు స్నేహితులతో వచ్చి ఓంకార్ను కిడ్నాప్ చేశాడు సమ్మద్. అనంతరం ఓంకార్ను హత్య చేశారు. శరీరాన్ని కాల్చి బూడిదను నదిలో పారబోశారు. ఓంకార్ స్నేహితుడి ఫిర్యాదుతో రంగంలోకి దిగిన పోలీసులు.. కేసు నమోదు చేసి దర్యాప్తు చేపట్టారు. భరత్, రాకేశ్, సమ్మద్ను అదుపులోకి తీసుకుని విచారించగా ఈ నిజాలు వెలుగులోకి వచ్చాయి. ఓంకార్తో చిన్న వివాదం కారణంగానే హత్య చేసినట్లు నిందితులు పోలీసుల ఎదుట ఒప్పుకున్నారు.
15 ఏళ్ల మైనర్ను కిడ్నాప్ చేసి రేప్
ఉత్తర్ప్రదేశ్ అమ్రోహాలో దారుణం జరిగింది. 15 ఏళ్ల మైనర్ను అపహరించి సామూహిక అత్యాచారానికి పాల్పడ్డారు ఆరుగురు కామాంధులు. నిందితుల చెర నుంచి బయటపడిన బాలిక కుటుంబ సభ్యులకు తనపై జరిగిన దారుణం గురించి చెప్పింది. దీంతో బాధితురాలి కుటుంబ సభ్యులు.. ఆరుగురు నిందితులపై డిడోలి పోలీస్ స్టేషన్లో ఫిర్యాదు చేశారు. పోలీసులు ఇద్దరు నిందితులను అరెస్ట్ చేశారు. మిగతా వారి గాలిస్తున్నట్లు తెలిపారు.
మద్యం తాగొద్దనందుకు భార్యకు నిప్పు
ఉత్తర్ప్రదేశ్ నొయిడాలో ఘోరం జరిగింది. భార్యపై కిరోసిన్ పోసి నిప్పంటించాడు ఓ భర్త. తీవ్ర గాయాలపాలైన భార్య ప్రస్తుతం ఆస్పత్రిలో చికిత్స పొందుతోంది. యద్వేంద్ర యాదవ్ అనే వ్యక్తికి 11 ఏళ్ల క్రితం వినీత అనే మహిళతో వివాహం జరిగింది. వీరికి ఇద్దరు పిల్లలు ఉన్నారు. అయితే యద్వేంద్ర రోజు తాగి వచ్చి వినీతతో గొడవ పెట్టుకునేవాడు. మార్చి 2 రాత్రి కూడా మద్యం విషయంలో వివాదం తలెత్తింది. దీంతో ఆగ్రహించిన యద్వేంద్ర.. వినీతపై కిరోసిన్ పోసి నిప్పటించాడు.
దూడపై అత్యాచారం
రెండున్నరేళ్ల ఆవు దూడపై అత్యాచారానికి పాల్పడ్డాడు ఓ కామాంధుడు. ఈ ఘటన మధ్యప్రదేశ్లోని రెవా జిల్లాలో జరిగింది. ఓ ఇంటి వెనుక భాగంలో ఉన్న దూడపై అత్యాచారానికి పాల్పడ్డాడు. దీనిని గమనించిన యజమాని.. అక్కడికి రావడం వల్ల నిందితుడు పరారయ్యాడు. దీనిపై కేసు నమోదు చేసుకున్న పోలీసులు.. దర్యాప్తు చేపట్టారు.
