Maradona watch thief: ఫుట్బాల్ దిగ్గజం, దివంగత డీగో మారడోనాకు చెందిన ఖరీదైన చేతి గడియారాన్ని అసోం పోలీసులు స్వాధీనం చేసుకున్నారు. లగ్జరీ బ్రాండ్ హుబ్లట్ తయారు చేసిన ఈ గడియారాన్ని దుబాయ్ అధికారుల సాయంతో తమ అదుపులోకి తీసుకున్నట్లు అసోం ముఖ్యమంత్రి హిమంత బిశ్వ శర్మ వెల్లడించారు. ఈ కేసులో ఓ వ్యక్తిని అరెస్టు చేశారు. నిందితుడిని వాజిద్ హుస్సేన్గా గుర్తించారు. దీనిపై తదుపరి చర్యలు తీసుకుంటున్నామని ట్వీట్ చేశారు సీఎం.
Maradona watch Hublot:
ఈ లిమిటెడ్ ఎడిషన్ వాచీని వాజిద్ హుస్సేన్ దొంగలించి అసోంకు పారిపోయి వచ్చాడని ఆ రాష్ట్ర డీజీపీ వెల్లడించారు. దీనిపై మారడోనా సంతకం కూడా ఉందని చెప్పారు. 'దుబాయ్ పోలీసుల నుంచి కేంద్ర ఏజెన్సీల ద్వారా మాకు సమాచారం అందింది. ఉదయం 4 గంటలకు వాజిద్ను శివ్సాగర్లోని అతని నివాసం నుంచి అరెస్టు చేశాం. వాచీని స్వాధీనం చేసుకున్నాం' అని డీజీపీ వివరించారు.
Maradona watch found in Assam
దుబాయ్లో మారడోనా వ్యక్తిగత వస్తువులను భద్రపరుస్తున్న ఓ కంపెనీలో నిందితుడు సెక్యూరిటీ గార్డ్గా పనిచేశాడు. కొద్దిరోజుల తర్వాత తన తండ్రికి ఆరోగ్యం బాగాలేదని ఇంటికి వచ్చేశాడు. అంతకుముందే హుబ్లట్ వాచీని ఉంచిన లాకర్లో దొంగతనం జరిగింది. ఇది వాజిద్ పనేనని అధికారులు అనుమానించారు. దీంతో భారత్లోని ఏజెన్సీలకు సమాచారం అందించారు. అసోం పోలీసులు రంగంలోకి దిగి పని పూర్తి చేశారు.
ఇదీ చదవండి: 'బార్డర్ బాబు' కథ సుఖాంతం.. సేఫ్గా పాకిస్థాన్కు...
