Man killed teen in maharashtra: తాను ప్రేమించిన యువతితో మరొక యువకుడు చనువుగా ఉండటాన్ని జీర్ణించుకోలేకపోయాడు. ఎలాగైనా అతడి అడ్డు తొలగించుకోవాలని అనుకున్నాడు. ఈ క్రమంలో అతడ్ని కిరాతకంగా హతమార్చాడు. ఈ ఘటన మహారాష్ట్రలో జరిగింది.
థానే జిల్లాలోని బందర్పడాకు చెందిన కల్యాణ్ ప్రాంతానికి చెందిన యాసిన్ షేక్ ఇమ్రాన్(20) ఓ అమ్మాయిని ప్రేమించాడు. అయితే ఆమెతో అర్మాన్ సయ్యిద్(16) చనువుగా ఉంటున్నాడు. యువతి విషయంలో ఇది వరకే ఇమ్రాన్, సయ్యిద్ మధ్య చాలాసార్లు ఘర్షణలు జరిగాయి. ఈ క్రమంలో సయ్యిద్ అడ్డు తొలగించుకోవాలని ప్లాన్ వేసిన ఇమ్రాన్.. మాయమాటలు చెప్పి సయ్యిద్ను పొలంలోకి తీసుకెళ్లాడు. అక్కడే కిరాతకంగా కొడవలితో నరికి చంపాడు.
బాధితుడి కుటుంబసభ్యుల ఫిర్యాదు మేరకు కేసు నమోదు చేసి దర్యాప్తు చేపట్టారు పోలీసులు. ఘటన జరిగిన ఐదు గంటల్లోనే నిందితుడిని అరెస్ట్ చేశారు.
ఇదీ చూడండి: పుట్టింటికి వెళ్లిందని భార్యపై ఆత్మాహుతి దాడి..
