Man Held For Cheating: మాట్రిమోనీ సైట్ పేరుతో 200 మందికిపైగా యువతులను మోసం చేశాడు ఓ కిలాడీ. రెండేళ్ల క్రితం లాక్డౌన్ సమయంలో వెబ్సైట్ ఓపెన్ చేసిన నిందితుడు.. మంచి సంబంధాలు కుదుర్చుతానంటూ ఎందరో యువతులకు వల వేశాడు. జాతక దోషాలు ఉన్నాయని, అవి సరిచేసేందుకు పూజలు చేయిస్తానని నమ్మించి వారి వద్ద నుంచి డబ్బులు తీసుకునేవాడు. తీరా డబ్బులు తన ఖాతాలో పడ్డాక ఎవరికీ స్పందించేవాడు కాదు.
చనిపోయినట్లు నమ్మించి..: డబ్బులు ఇచ్చిన బాధితులు ఒత్తిడి చేస్తే వారి నుంచి తప్పించుకునేందుకు తాను చనిపోయినట్లు నాటకం ఆడేవాడు. సోషల్ మీడియా, వెబ్సైట్లలో తన ప్రొఫైల్ ఫొటోను మార్చేసేవాడు. చనిపోయాడని నమ్మించడానికి దండ వేసి ఉన్న ఫొటోను పెట్టేవాడు. దీంతో చాలా మంది యువతులు అది నిజమే అని వదిలేశారు. అయితే ఇటీవల ఉత్తర్ప్రదేశ్లోని బస్తీ జిల్లాకు చెందిన ఓ యువతి చేసిన ఫిర్యాదుతో ఇదంతా బయటపడింది. ఇందుకు సంబంధించి కేసు నమోదు చేసిన పోలీసులు దర్యాప్తు చేపట్టగా.. నిందితుడిని గాజియాబాద్కు చెందిన తరుణ్ కుమార్గా గుర్తించారు. అతడ్ని అరెస్ట్ చేశారు.
ఇదీ చూడండి : 'పరువు' కోసం ప్రేమపై తండ్రి పగ.. సొంత కుమార్తె దారుణ హత్య
