ఫిర్యాదుల్ని పట్టించుకోరేం.. కోర్టుకెళ్తాం: మమత

నందిగ్రామ్​ నియోజకవర్గంలో పోలింగ్​ జరుగుతున్న తీరుపై ఆందోళన వ్యక్తం చేశారు అక్కడి తృణమూల్​ కాంగ్రెస్​ అభ్యర్థి, ముఖ్యమంత్రి మమతా బెనర్జీ. ఎన్ని ఫిర్యాదులు చేసినా ఎన్నికల సంఘం పట్టించుకోట్లేదని విమర్శించారు. తగిన చర్యలు తీసుకోకుంటే కోర్టుకు వెళ్తామని హెచ్చరించారు. పోలింగ్​ కేంద్రం నుంచే గవర్నర్​కు ఫోన్​ చేసి చర్యలు తీసుకోవాలని కోరారు మమత.

బంగాల్​లో పోలింగ్​ తీరుపై ఎన్నికల సంఘాన్ని విమర్శించారు ముఖ్యమంత్రి మమతా బెనర్జీ. కేంద్ర హోం మంత్రి అమిత్​ షా.. సూచనలతోనే ఈసీ పనిచేస్తోందని ఆరోపించారు. నందిగ్రామ్​ నియోజకవర్గంలో హింసాత్మక ఘటనలు జరుగుతున్నా.. అధికారులు తగు చర్యలు తీసుకోట్లేదని వ్యాఖ్యానించారు. ఇప్పటివరకు ఈసీకి 63 ఫిర్యాదులు చేసినా.. పట్టించుకోలేదని దుయ్యబట్టారు.

నందిగ్రామ్​లో కొన్ని పోలింగ్​ కేంద్రాల్లో ఓటింగ్​ సరళిని పరిశీలించారు మమత. బోయల్​ ప్రాంతంలోని బూత్​ నెం.7 బయట వీల్​ఛైర్​లో కూర్చుని ఈ వ్యాఖ్యలు చేశారు.

''మేం ఉదయం నుంచి 63 ఫిర్యాదుల్ని నమోదు చేశాం. ఇప్పటివరకు చర్యలు తీసుకోలేదు. ఈ అంశంపై మేం కోర్టుకెళ్తాం. వేరే రాష్ట్రాల నుంచి వచ్చిన గూండాలు ఇక్కడ విధ్వంసం సృష్టిస్తున్నారు. ఇది ఏమాత్రం ఆమోదయోగ్యం కాదు.''

- మమతా బెనర్జీ, బంగాల్​ సీఎం

గవర్నర్​కు ఫోన్​..

నందిగ్రామ్‌లోని ఓ పోలింగ్‌ కేంద్రాన్ని సందర్శించిన దీదీ.. అక్కడి నుంచే గవర్నర్‌ జగదీప్​ దన్​ఖర్​కు ఫోన్‌ చేసి మాట్లాడారు. ''ఉదయం నుంచి స్థానికులను ఓట్లు వేయకుండా అడ్డుకుంటున్నారు. మీరే జోక్యం చేసుకోవాలి.'' అని గవర్నర్​కు విజ్ఞప్తి చేశారు మమత.

• #WATCH: West Bengal CM Mamata Banerjee speaks to Governor Jagdeep Dhankhar over the phone at a polling booth in Nandigram. She says, "...They didn't allow the local people to cast their vote. From morning I am campaigning...Now I am appealing to you, please see..." pic.twitter.com/mjsNQx38BB

  — ANI (@ANI) April 1, 2021 " class="align-text-top noRightClick twitterSection" data="

  #WATCH: West Bengal CM Mamata Banerjee speaks to Governor Jagdeep Dhankhar over the phone at a polling booth in Nandigram. She says, "...They didn't allow the local people to cast their vote. From morning I am campaigning...Now I am appealing to you, please see..." pic.twitter.com/mjsNQx38BB

  — ANI (@ANI) April 1, 2021

  ">

  #WATCH: West Bengal CM Mamata Banerjee speaks to Governor Jagdeep Dhankhar over the phone at a polling booth in Nandigram. She says, "...They didn't allow the local people to cast their vote. From morning I am campaigning...Now I am appealing to you, please see..." pic.twitter.com/mjsNQx38BB

  — ANI (@ANI) April 1, 2021

సువేందు విమర్శలు..

ఓటర్లను మమతా బెనర్జీ అవమానిస్తున్నారని ఎదురుదాడికి దిగారు నందిగ్రామ్​ భాజపా అభ్యర్థి సువేందు అధికారి.

''ఓటర్లను అవమానించడం మమతా బెనర్జీకి అలవాటుగా మారింది. ఆమెకు ప్రమాదంలో గాయాలయ్యాయి. కానీ వేరేవాళ్లపై ఆరోపణలు చేశారు. గవర్నర్​ రాజ్యాంగబద్ధ పదవిలో ఉన్నారు. ఆమె.. గవర్నర్​తో మాట్లాడితే మాకేం సమస్య లేదు. పోలింగ్​ ఈసీ నిర్వహిస్తోంది. గవర్నరో, రాష్ట్రపతో కాదు.''

- సువేందు అధికారి, నందిగ్రామ్​ భాజపా అభ్యర్థి

ఇవీ చదవండి: