చాలా ఏళ్లుగా బంగాల్లో అధికారంలో ఉండి కూడా దేశ రాజ్యంగాన్ని కాపాడడంలో మమతా బెనర్జీ విఫలమయ్యారని భాజపా అధ్యక్షుడు జేపీ నడ్డా విమర్శించారు. కేంద్రం బలగాలను చుట్టుముట్టండి (ఘోరవ్) అంటూ మమత పిలుపునివ్వడాన్ని సూచిస్తూ ఈ విమర్శలు చేశారు.
రాష్ట్రంలో మహిళలకు భద్రత కరువైందని పూర్వ బర్ధమాన్ జిల్లాలో జరిగిన ర్యాలీలో ప్రసంగించారు నడ్డా. 'బంగాల్లో టీఎంసీ అధికారంలోకి వచ్చినప్పటి నుంచి తల్లి, భూమి, ప్రజలు అనే నినాదాన్ని మమత జపిస్తున్నారు. కానీ ఇప్పుడు ఆ తల్లుల(మహిళలకు) పరిస్థితి ఏమైంది? దేశంలో అత్యధికంగా మహిళలపై అత్యాచారాలు, యాసిడ్ దాడులు, గృహహింసలు బంగాల్లోనే జరుగుతున్నాయి' అని ఆరోపించారు.
ఇదీ చదవండి: బంగాల్: ఈసీ అఖిలపక్ష భేటీలో భిన్న వాదనలు
