Maharastra Bus Accident: మహారాష్ట్రలో ఘోర ప్రమాదం జరిగింది. నాసిక్- ఔరంగాబాద్ జాతీయ రహదారిలో ప్రయాణికులతో వెళ్తున్న ప్రైవేటు బస్సు బోల్తా పడింది. ఈ ఘటనలో 25 మంది తీవ్రంగా గాయపడ్డారు.
నాసిక్లోని ధామన్గావ్ మెడికల్ కళాశాలకు చెందిన విద్యార్థులు, ఉద్యోగులు ఈ బస్సులో ఉన్నట్లు అధికారులు తెలిపారు. క్షతగాత్రులను ఆస్పత్రికి తరలించారు. ఆరుగురి పరిస్థితి విషమంగా ఉన్నట్లు తెలిపారు.
ఈ ప్రమాదం అనంతరం.. బస్సు డ్రైవర్ పరారీలో ఉన్నాడు. కేసు నమోదు చేసిన పోలీసులు.. దర్యాప్తు చేపట్టారు.
యూపీలో మరో ప్రమాదం
UP Accident News: ఉత్తర్ప్రదేశ్లో మరో ప్రమాదం జరిగింది. లఖ్నవూ- ఆగ్రా రహదారిలో నిలిచి ఉన్న ట్రక్ను కారు ఢీకొట్టిన ఘటనలో ముగ్గురు మరణించారు. ఓ వ్యక్తి తీవ్రంగా గాయపడ్డారు.
మధ్యప్రదేశ్ రీవా జిల్లా నుంచి ఆగ్రా వైపు వెళ్తున్న కారు.. నిలిచి ఉన్న ట్రక్కును ఢీకొట్టింది. ఈ ప్రమాదంలో ముగ్గురు అక్కడికక్కడే మరణించారు. మృతులను.. బ్రిజేశ్ కుమార్ త్రిపాఠి(43), అజయ్ కుమార్పాండే(46), శుభమ్ త్రిపాఠీలుగా(28) గుర్తించారు. గాయపడిన వ్యక్తిని అశుతోశ్ శుక్లాగా (36) తెలిసింది. వీరంతా మధ్యప్రదేశ్ రీవా జిల్లాకు చెందినవారని పోలీసులు తెలిపారు.
ఇదీ చదవండి: మద్యం మత్తులో యాక్సిడెంట్.. సైలెన్సర్లో చిక్కుకున్న శవంతో 2.5కి.మీ..
