Maharashtra News: మహారాష్ట్రలోని అహ్మద్నగర్లో ఓ విషాద ఘటన వెలుగులోకి వచ్చింది. తల్లి సహా ఆమె ముగ్గురు చిన్నారులు అనుమానాస్పదస్థితిలో మృతి చెందారు. నాలుగు మృత దేహాలను బాధితుల ఇంటి సమీపంలోని బావి నుంచి వెలికితీశారు.
ఏం జరిగిందంటే?
బాలసాహెబ్ గణ్పత్ ధొకారే, అతడి భార్య స్వాతి (28), కూతుళ్లు భాగ్యశ్రీ (5), తన్వీ (3), కుమారుడు శివం (6 నెలలు).. ఖూడే గ్రామంలో నివసిస్తున్నారు. ఇటీవలే స్వాతి సహా ముగ్గురు పిల్లల మృతదేహాలు వారి ఇంటి సమీపంలోని ఓ బావిలో కనిపించాయి. వాటిని బయటకు తీసిన అధికారులు.. ఈ వ్యవహారంపై దర్యాప్తును ముమ్మరం చేశారు. ఇది హత్యా? లేక ఆత్మహత్యా? అనే కోణంలో పోలీసులు దర్యాప్తు చేస్తున్నారు.
ఇదీ చూడండి: లోయలోకి దూసుకెళ్లిన ఎస్యూవీ.. అక్కడికక్కడే ఐదుగురు దుర్మరణం
