ఒకేరోజులో 11 గుడ్లు పెట్టిన కోడిపెట్ట
ఒక రోజులో ఓ కోడిపెట్ట ఎన్ని గుడ్లు పెడుతుంది?. ఒకటి.. మహా అయితే రెండు. కానీ, కేరళ కోజికోడ్లోని బాలుస్సెరీలో ఓ కోడిపెట్ట.. ఒకే రోజులో ఏకంగా 11 గుడ్లు పెట్టి అందరినీ ఆశ్చర్యపరిచింది.
అరగంటకు ఒకటి..
కొలత్తూరుకు చెందిన మనోజ్ అనే వ్యక్తి ఇంట్లో గత గురువారం ఈ సంఘటన జరిగింది. ఉదయం 7 గంటల నుంచి ఒంటిగంట మధ్య అర గంటకోసారి కోడిపెట్ట గుడ్డు పెట్టినట్లు మనోజ్ తెలిపారు. నాలుగు నెలల కిందట తన బంధువుల ఇంటి నుంచి ఈ కోడిని తెచ్చుకున్నట్లు వెల్లడించారు.
అయితే.. హార్మోన్ల ప్రభావం వల్లే కోడిపెట్ట అన్ని గుడ్లు పెడుతుందని నిపుణులు చెబుతున్నారు.
ఇదీ చదవండి:మెడ కింద నుంచి గుడ్డు పెట్టే వింత కోడిపెట్ట!
