జులై 17 నుంచి శబరిమల అయ్యప్ప దర్శనం

శబరిమల అయ్యప్ప దేవస్థానాన్ని జులై 17 నుంచి భక్తుల కోసం తెరవనున్నారు. జులై 21 వరకు జరిగే పూజ కార్యక్రమాల కోసం భక్తులకు ఈ అవకాశం కల్పించనున్నారు.

కేరళలోని శబరిమల అయ్యప్ప దేవస్థానం భక్తుల కోసం తెరుచుకోనుంది. జులై 17 నుంచి 21 మధ్య జరిగే పూజా కార్యక్రమాల కోసం భక్తులను అనుమతించనున్నారు.

టీకా పొందినట్లు ధ్రువపత్రం చూపించినవారితో పాటు, కరోనా ఆర్​టీపీసీఆర్ నెగెటివ్ రిపోర్టు ఉన్నవారికే దేవస్థానంలోకి ప్రవేశం ఉంటుంది. ఆన్​లైన్ ద్వారా దర్శన టికెట్లు బుక్ చేసుకునే అవకాశం కల్పిస్తున్నారు. అయితే 5 వేల మందికి మాత్రమే దర్శన అవకాశం ఉంటుంది.