Kartik Purnima 2023 Special Sweets: హరిహరులకు ఎంతో ప్రీతికరమైన కార్తిక మాసంలో ప్రతిరోజూ ప్రత్యేకమే. ఈ మాసంలో కార్తీక పౌర్ణమికి మరింత ప్రాముఖ్యత ఉంది. ఈ రోజు నదీ స్నానం, దీప దానం, ఉపవాసాలు అత్యంత విశిష్టమని.. యాగం చేసిన ఫలితం లభిస్తుందని పురాణాలు చెబుతున్నాయి. మరి ఇంతటి ప్రాముఖ్యత కలిగిన ఈ కార్తిక పౌర్ణమికి ఏం ప్రసాదాలు చేయాలని ఆలోచిస్తున్నారా..? అయితే మీ కోసమే ఈ స్టోరీ. కార్తిక పౌర్ణమి నాడు ఈ స్వీట్స్ను తయారు చేసి.. పండగను మరింత ఆనందంగా జరుపుకోండి..
కలాకండ్..
How Make Kalakand Recipe in Telugu:
కావాల్సిన పదార్థాలు..
- చిక్కటి మిల్క్ - రెండు లీటర్లు
- చక్కెర - అరకప్పు
- నిమ్మరసం లేదా వెనిగర్-1 టీ స్పూన్
- నీళ్లు-అరకప్పు
- బాదంపప్పు-5
- పిస్తాపప్పు-5
కార్తికమాసంలో ఏ దేవుళ్లను పూజించాలి? - పండితులు ఏం చెబుతున్నారు?
తయారీ విధానం:
- ముందుగా ఓ మందపాటి గిన్నెను తీసుకుని స్టౌ మీద పెట్టి.. అందులో పావుకప్పు నీళ్లు పోసుకోవాలి. ఆ నీళ్లల్లో రెండు లీటర్ల చిక్కటి పాలు పోసుకోవాలి.
- తర్వాత మంటను హై ఫ్లేమ్లో పెట్టి.. గరిటెతో పాలను కలుపుతూ ఉండాలి.
- పాలు సగానికి మరిగిన తర్వాత.. సిమ్లో పెట్టి అరకప్పు పంచదార వేసి కలుపుతూనే ఉండాలి. మీకు ఒకవేళ తీపి ఎక్కువ కావాలనుకుంటే మరికొంచెం షుగర్ యాడ్ చేసుకోవచ్చు.
- తర్వాత ఓ చిన్న గిన్నె తీసుకుని అందులో ఒక టీ స్పూన్ వెనిగర్ లేదా నిమ్మరసం వేసి పావుకప్పు నీళ్లు పోసుకోవాలి.
- తర్వాత మరుగుతున్న పాలల్లో వెనిగర్ నీటిని సగం పోసి కలపాలి. తర్వాత పాలను ఎక్కువ మంట మీద ఉంచి.. దగ్గరపడేంతవరకు కలుపుతూనే ఉండాలి.
- మిశ్రమం దగ్గర పడిన తర్వాత స్టౌ ఆఫ్ చేసి.. ఓ ప్లేట్కు నెయ్యి రాసి అందులో ఈ పేస్ట్ను వేసి సమానంగా స్ప్రెడ్ చేసుకోవాలి. ఇది సెట్ అవ్వడానికి మినిమం 3 నుంచి 4 గంటల సమయం పడుతుంది.
- తర్వాత దానిని నచ్చిన షేప్లో కట్ చేసుకుని.. చివరిగా బాదంపప్పు, పిస్తాపప్పుతో గార్నిష్ చేసుకుంటే.. కలాకండ్ రెడీ..
కార్తిక పౌర్ణమి ఎప్పుడు - 26నా? 27వ తేదీనా?
చంద్రకళ స్వీట్..
How to Make Chandrakala Recipe:
కావ‌ల్సిన పదార్థాలు..
- మైదా పిండి – ఒక‌టిన్న‌ర క‌ప్పు
- ఉప్పు – చిటికెడు
- వంట‌సోడా – చిటికెడు
- నెయ్యి – పావు క‌ప్పు
- పంచదార – ఒక క‌ప్పు
- నీళ్లు – అర క‌ప్పు
- కుంకుమ పువ్వు – చిటికెడు
- యాల‌కుల పొడి – కొద్దిగా
- నూనె – డీప్ ప్రైకు స‌రిప‌డా
- పచ్చికోవా-250 గ్రాములు
- పంచదార పొడి – 3 స్పూన్స్
- వేయించిన ఎండు కొబ్బరి తురుము-2 టీ స్పూన్లు
- వేయించి త‌రిగిన జీడిప‌ప్పు – కొద్దిగా
- వేయించి త‌రిగిన బాదంపప్పు – కొద్దిగా
- యాల‌కుల పొడి – పావు టీ స్పూన్
భక్తులకు అలర్ట్ - కార్తిక మాసంలో శ్రీశైలం వెళ్తున్నారా? ఈ విషయం తెలియకపోతే ఇబ్బందే!
చంద్రకళ స్వీట్ తయారీ విధానం..
- ఓ గిన్నెలో మైదాపిండి, ఉప్పు, వంట‌సోడా వేసి కలపాలి. త‌రువాత నెయ్యి వేసి కలపాలి. త‌రువాత త‌గిన‌న్ని నీళ్లు పోస్తూ పిండిని మెత్తగా క‌లుపుకోవాలి. త‌రువాత దీనిపై మూత‌ను ఉంచి అరగంట పక్కన పెట్టాలి.
- తర్వాతల ఓ గిన్నెలోకి పచ్చి కోవాను తీసుకుని అందులో పంచదార పొడి.. యాల‌కుల పొడి, డ్రై ఫ్రూట్స్ ప‌లుకులు, ఎండు కొబ్బరి తురుము వేసి క‌లుపుకోవాలి. త‌రువాత ఈ కోవాను చిన్న నిమ్మ‌కాయంత ప‌రిమాణంలో ఉండలుగా చేసుకుని పక్కకు ఉంచాలి.
- ముందుగా కలిపి పెట్టుకున్న పిండిని మ‌రోసారి బాగా క‌లుపుకోని.. పిండిని ఉండలుగా చేసుకోవాలి.
- ఒక్కో ఉండ‌ను తీసుకుని చ‌పాతీలా వత్తుకోవాలి. త‌రువాత గుండ్రంగా ఉండే మూత‌తో చిన్న పూరీల ప‌రిమాణంలో వత్తుకోవాలి.
- ఇప్పుడు ఒక పూరీని తీసుకుని దానిపై కోవా ఉండ‌ను ఉంచాలి. త‌రువాత పూరీ అంచుల‌కు నీటితో త‌డి చేసి దానిపై మరో పూరీని ఉంచి అంచుల‌ను గట్టిగా వ‌త్తాలి.
- అంచుల‌ను మ‌న‌కు నచ్చిన డిజైన్లో చుట్టుకోవాలి. ఇలా అన్నింటిని తయారు చేసుకుని పక్కకు ఉంచాలి.
- త‌రువాత క‌ళాయిలో పంచదార, నీళ్లు పోసి వేడి చేయాలి. పంచదార కరిగిన తర్వాత కుంకుమ పువ్వు, యాల‌కుల పొడి వేసి పంచదార మిశ్రమం జిగురుగా అయ్యే వ‌ర‌కు ఉడికించి స్ట‌వ్ ఆఫ్ చేసుకోవాలి.
- త‌రువాత మరో క‌ళాయిలో నూనె పోసి వేడి చేయాలి. నూనె వేడ‌య్యాక ముందుగా తయారు చేసుకున్న చంద్రకళను వేసి వేయించాలి.
- వీటిని మీడియం మంట‌పై ఎర్ర‌గా అయ్యే వ‌ర‌కు వేయించి పంచదార పాకంలో వేసుకోవాలి.
- వీటిని రెండు వైపులా అటూ ఇటూ తిప్పుతూ 5 నిమిషాల పాటు ఉంచి ప్లేట్ లోకి తీసుకుని స‌ర్వ్ చేసుకోవాలి.
