Karnataka crime news: భార్యతో గొడవపడి ఆమెను హత్య చేశాడు ఓ వ్యక్తి. ఆమె నిద్రిస్తుండగా.. తెల్లవారుజామున 3 గంటలకు కత్తితో పొడిచి చంపేశాడు. తెల్లవారే వరకు ఆమె మృతదేహం పక్కనే పడుకున్నాడు. ఈ ఘటన కర్ణాటక బెంగళూరులో జరిగింది.
మట్టికేరె ప్రాంతంలో థానేంద్ర- అనసూయ దంపతులు నివసిస్తున్నారు. గతంలో రూ.1.20 లక్షల అప్పు తీసుకున్నాడు థానేంద్ర. అయితే, రుణం చెల్లించే విషయమై దంపతుల మధ్య తరచూ గొడవలు జరిగేవి. ఈ కోపంతోనే థానేంద్ర.. తన భార్యను వదిలించుకోవాలని అనుకున్నాడు. అనసూయ పడుకున్న సమయంలో కత్తితో పొడిచి చంపేశాడు. ఈ సమయంలో పదమూడేళ్ల అతడి కూతురు పక్కనే ఉంది. నిద్రలో ఉన్న చిన్నారి.. హత్యను గమనించలేదు. సూర్యోదయం వరకు నిందితుడు తన భార్య శవం పక్కనే నిద్రించాడు. ఉదయం లేచి తన తల్లిని చూసిన చిన్నారి.. గట్టిగా ఏడవటం మొదలుపెట్టింది.
భయపడ్డ థానేంద్ర.. ఉదయం 9.30 గంటల సమయంలో పోలీసులకు ఫోన్ చేశాడు. హత్య గురించి చెప్పాడు. హత్య చేసినట్లు నిందితుడు ఒప్పుకున్నాడని పోలీసులు తెలిపారు. తన కూతురిని సైతం హత్య చేసి, ఆత్మహత్య చేసుకోవాలని అనుకున్నట్లు చెప్పారు.
ఇదీ చదవండి:
