కర్ణాటక ముఖ్యమంత్రికి రెండోసారి కరోనా

కర్ణాటక ముఖ్యమంత్రి బీఎస్​ యడియూరప్ప మరోసారి కరోనా బారినపడ్డారు. గతేడాది ఆగస్టు 2న కూడా ఆయనకు కొవిడ్‌ సోకింది. అనంతరం కోలుకున్నారు.

ఇప్పుడు రెండు రోజులుగా జ్వరంతో బాధపడుతున్న యడియూరప్పకు ఈ ఉదయం నిర్వహించిన పరీక్షల్లో కరోనా పాజిటివ్‌గా తేలింది.  

" స్వల్ప జ్వరం ఉండటం వల్ల.. నేను ఈరోజు కరోనా పరీక్ష చేయించుకున్నాను. నాకు పాజిటివ్​గా నిర్ధరణ అయింది. ప్రస్తుతం నేను బాగానే ఉన్నా.. వైద్యుల సలహాతో ఆసుపత్రిలో చేరాను. ఇటీవల నన్ను సంప్రదించిన వారు పరీక్షలు చేయించుకోండి."  

     --  యడియూరప్ప, కర్ణాటక ముఖ్యమంత్రి  

శుక్రవారం ఉదయం రాష్ట్రంలో కరోనా పరిస్థితిపై అధికారులతో అత్యవసర సమావేశాన్ని ఏర్పాటు చేసిన యడియూరప్ప, అనంతరం కరోనా పరీక్షలకు హాజరయ్యారు. ప్రస్తుతం ఆయన రామయ్య స్మారక ఆస్పత్రి నుంచి డిశ్చార్జ్​ అయి.. మణిపాల్‌ ఆస్పత్రిలో చికిత్స పొందుతున్నట్లు అధికారులు పేర్కొన్నారు. 

ఇదీ చదవండి : జూన్‌ నాటికి రోజుకు 2,320 కరోనా మరణాలు!