నామినేషన్​ వేసిన కమల్​, దినకరన్​

తమిళనాడు అసెంబ్లీ ఎన్నికల్లో భాగంగా కోయంబత్తూర్​ సౌత్​ నియోజకవర్గం అభ్యర్థిగా నామినేష్​ దాఖలు చేశారు ఎంఎన్​ఎం అధినేత కమల్​ హాసన్​. ఏఎంఎంకే ప్రధాన కార్యదర్శి టీటీవీ దినకరన్​ కోవిల్​పట్టి నియోజకవర్గానికి నామపత్రాలు సమర్పించారు.

మక్కల్​ నీది మయ్యం అధినేత, ప్రముఖ నటుడు కమల్​ హాసన్​ నామినేషన్​ దాఖలు చేశారు. కోయంబత్తూర్ సౌత్​ అసెంబ్లీ నియోజకవర్గం నుంచి ఆయన పోటీ చేస్తున్నారు.

తమిళనాడు అసెంబ్లీ ఎన్నికల్లో ఆల్​ ఇండియా సమథువ మక్కల్​ కట్చి(ఏఐఎస్​ఎంకే), ఇండియా జననాయగ కట్చి(ఐజేకే)తో కలసి కూటమిగా పోటీ చేస్తోంది కమల్ పార్టీ. 234 స్థానాలకు గానూ 154 చోట్ల అభ్యర్థులను బరిలోకి దింపుతోంది. మిగతా 80 స్థానాల్లో మిత్ర పక్షాలకు చెరో 40 సీట్లు కేటాయించింది.