5జీ వైర్లెస్ నెట్వర్క్కు వ్యతిరేకంగా దిల్లీ హైకోర్టులో వేసిన పిటిషన్ను ఉపసంహరించుకున్నారు నటి జూహీ చావ్లా. ఈ పిటిషన్పై ఆగ్రహం వ్యక్తం చేసిన ధర్మాసనం.. కొట్టివేసింది. దీంతో చావ్లా ఈ నిర్ణయం తీసుకున్నట్లు తెలుస్తోంది. పిటిషన్ ఉపసంహరణకు జస్టిస్ జయంత్నాథ్ అనుమతించినట్లు చావ్లా తరఫు న్యాయవాది దీపక్ ఖోస్లా తెలిపారు.
"చావ్లా న్యాయవాది అప్పీలేట్ కోర్టులో పిటిషన్ను ఉపసంహరించుకోవాలని భావిస్తున్నారు. దీంతో పిటిషన్ను కొట్టివేస్తున్నాం" అని కోర్టు తెలిపింది. అయితే పౌర స్మృతి ప్రకారం తిరస్కరించవచ్చు లేదా ఉపసంహరించుకోవచ్చు.. అంతేకానీ కొట్టివేయకూడదు అని చావ్లా న్యాయవాది వాదించారు.
5జీ టెక్నాలజీ వల్ల పౌరుల ఆరోగ్యానికి ముప్పు వాటిల్లుతుందనే ఉద్దేశంతో.. దానిని వ్యతిరేకిస్తూ దిల్లీ హైకోర్టులో పిటిషన్ వేశారు నటి జూహీ చావ్లా. దీనిపై విచారణ జరిపిన న్యాయస్థానం.. మీడియా పబ్లిసిటీ కోసమే ఈ పిటిషన్ను దాఖలు చేశారని మండిపడింది. రూ.20 లక్షలు జరిమానా సైతం విధించింది.
ఇదీ చూడండి: 5జీ నెట్వర్క్ వద్దంటూ హైకోర్టుకు ప్రముఖ నటి
