తన ఆటోలో మహిళా జర్నలిస్టు మర్చిపోయిన లక్షన్నర విలువ చేసే ఐఫోన్ను తిరిగి ఇచ్చి నిజాయితీ చాటుకున్నాడా డ్రైవర్. ఈ ఘటన జమ్ముకశ్మీర్లోని శ్రీనగర్లో జరిగింది.
అతని పేరు అహ్మద్. అటో నడుపుకుంటూ జీవనం సాగిస్తున్నాడు. ఒక రోజు శంకరాచార్య దేవాలయానికి వెళ్లాలంటూ.. ఓ మహిళ జర్నలిస్టు ఆటో ఎక్కారు. గుడి రాగానే ఆటో దిగి వెళ్లిపోయారు. అయితే ఆ ఆటోలో ఐఫోన్ మర్చిపోయారు. ఐఫోన్ను చూసిన అహ్మద్.. ఆటోను వెనక్కు తిప్పాడు. ఈలోగా ఆ ఫోన్కు కాల్ రాగా... అసలు విషయం చెప్పాడు. ఆమెను కలిసి ఫోన్ ఇచ్చేశాడు. ఇందుకు ఆమె వచ్చి అహ్మద్కు ధన్యవాదాలు చెప్పింది. ఆటోడ్రైవర్ నిజాయితీని ప్రశంసిస్తూ అహ్మద్తో దిగిన ఫొటోను సామాజిక మాధ్యమంలో పోస్ట్ చేశారు.
ఇదీ చదవండి: 'సాగు చట్టాలు లేనిదే రైతు ఆదాయం రెట్టింపు అసాధ్యం'
