JK Man Returns to India: పొరపాటున సరిహద్దు దాటి, పాకిస్థాన్ జైలులో 29 ఏళ్లు మగ్గిన ఓ భారతీయుడు.. ఎట్టకేలకు స్వదేశానికి తిరిగివచ్చాడు. డిసెంబర్ 24న రాత్రి జమ్ముకశ్మీర్ కథువాలోని తన స్వగ్రామం ముక్వాల్కు చేరుకున్న కుల్దీప్ సింగ్.. ఘనస్వాగతం అందుకున్నాడు. అక్కడికి కుటుంబసభ్యులు, స్నేహితులు, బంధువులు, గ్రామస్థులు భారీగా చేరుకున్నారు. స్వీట్లు పంచి సంబరాలు చేసుకున్నారు. కుల్దీప్కు పూలమాలలు, డబ్బుల దండలు వేసి ఆనందంగా గడిపారు.
Pakistan jail: 1992 డిసెంబర్లో పొరపాటున అంతర్జాతీయ సరిహద్దు దాటిన కుల్దీప్ను పాకిస్థాన్ సైన్యం అరెస్టు చేసింది. గూఢచర్యం కేసులో.. పాక్ కోర్టులో నాలుగు విచారణలను ఎదుర్కొని 25 సంవత్సరాల కఠిన కారాగార శిక్ష అనుభవించాడు. ఇన్నేళ్లు పాక్లోని కోట్ లఖ్పత్ జైల్లో ఉన్నాడు.
Indian Man Returns From Pak Jail: ఉత్తర ప్రత్యుత్తరాలు, భారత హైకమిషన్ న్యాయపోరాటం అనంతరం.. జైలు నుంచి విడుదలై 2021 డిసెంబర్ 20న వాఘా సరిహద్దు గుండా కుల్దీప్.. అమృత్సర్ చేరుకున్నాడు. 24న తన స్వగ్రామానికి వచ్చాడు. కుటుంబంతో మళ్లీ కలిసినందుకు సంతోషం వ్యక్తం చేశాడు.
భారతీయులను అక్కడ ఎలా హింసిస్తున్నారో వివరించాడు కుల్దీప్. పాక్ ఆర్మీ వలలో చిక్కిన ప్రతి భారతీయుడిని గూఢచారిగా పరిగణిస్తున్నారని.. చిత్రహింసలకు గురిచేస్తున్నారని తెలిపాడు. తనను కూడా బాగా ఇబ్బందిపెట్టారని చెప్పాడు.
''నా పేరు కుల్దీప్ సింగ్. మాది ముక్వాల్. ఈ రోజు నేను చాలా చాలా సంతోషంగా ఉన్నా. నాకు ఇది మరో జన్మ. పొరపాటున పాక్కు వెళ్లిన భారతీయులందరినీ వాళ్లు గూఢచారిగానే చూస్తారు.''
-కుల్దీప్ సింగ్
జమ్ముకశ్మీర్కు చెందిన ఇద్దరు వ్యక్తులు ఇప్పటికీ పాక్ జైలులో విడుదల కోసం చూస్తున్నారని కుల్దీప్ వెల్లడించాడు. సైన్యం చేతిలో చిత్రహింసలకు గురైన మరో 10-12 మంది భారతీయులు పాక్లోని మానసిక ఆస్పత్రుల్లో చికిత్స పొందుతున్నారని వివరించాడు.
ఇరు దేశాలు మానవత్వంతో ఆలోచించి.. ఖైదీలందరినీ విడుదల చేయాలని కుల్దీప్ సింగ్ విజ్ఞప్తి చేశాడు.
ఇవీ చూడండి: ఫ్రంట్లైన్ వర్కర్స్కు జనవరి 10 నుంచి మూడో డోసు
ఆవిర్భావ వేడుకల్లో అపశ్రుతి.. ఊడి సోనియా చేతిలో పడ్డ కాంగ్రెస్ జెండా!
