రాజస్థాన్ జైపుర్లో దారుణ ఘటన జరిగింది. లిఫ్ట్ ఇచ్చి.. ఎవరూ లేని ప్రదేశానికి తీసుకెళ్లి ఓ యువతిపై కొందరు గుర్తుతెలియని వ్యక్తులు అత్యాచారానికి పాల్పడ్డారు.
బాయ్ఫ్రెండ్తో గొడవ...
సరదాగా పార్టీ చేసుకునేందుకు భాంకరోటాలోని ఓ హోటల్కు వెళ్లింది ఓ జంట. ఈ క్రమంలో ఇరువురి మధ్య గొడవ జరిగింది. అనంతరం భాంకరోటా బైపాస్ రోడ్డు సమీపంలోనే ప్రియురాలిని దింపేసి వెళ్లిపోయాడు ప్రియుడు.
అదే మార్గంలో కారులో వెళ్తున్న ముగ్గురు వ్యక్తులు ఆ యువతికి లిఫ్ట్ ఇచ్చారు. గుర్తుతెలియని ప్రదేశానికి తీసుకెళ్లి.. ఆమెపై అత్యాచారానికి పాల్పడ్డారు.
ఘటన అనంతరం.. భాంకరోటా పోలీసు స్టేషన్లో ఫిర్యాదు చేసింది యువతి. దీంతో.. యువతి ప్రియుడిని కస్టడీలోకి తీసుకున్న పోలీసులు.. వైద్య పరీక్షల నిమిత్తం బాధితురాలిని ఆసుపత్రికి పంపించారు. ఘటన జరిగిన ప్రాంతంలోని సీసీటీవీ ఫుటేజ్లను పరిశీలిస్తున్నట్లు వెల్లడించారు. ఘటనతో సంబంధమున్న కొందరు యువతను కస్టడీకి తరలించిన పోలీసులు.. ముగ్గురు నిందితుల కోసం గాలిస్తున్నారు.
ఇదీ చదవండి:Viral: చిన్నారులతో మద్యం తాగించిన బంధువులు
