ISRO Scientist Engineer Jobs 2023 : భారత అంతరిక్ష పరిశోధన సంస్థ ఇస్రోలో ఉద్యోగాలు చేయాలని ఆశించే అభ్యర్థులకు గుడ్ న్యూస్. విక్రమ్ సారాభాయ్ స్పేస్ సెంటర్ (VSSC) 61 సైంటిస్ట్/ ఇంజినీర్ ఉద్యోగాలకు నోటిఫికేషన్ విడుదల అయ్యింది. ఆసక్తి గల అభ్యర్థులు జులై 21లోపు ఆన్లైన్లో దరఖాస్తు చేసుకోవాల్సి ఉంటుంది. పరీక్ష తేదీని తరువాత ప్రకటించనున్నారు.
ఉద్యోగాల వివరాలు
- సైంటిస్ట్/ ఇంజినీర్ ఎస్డీ
- సైంటిస్ట్/ ఇంజినీర్ ఎస్సీ
విద్యార్హతలు
ISRO Scientist Engineer Eligibility : సైంటిస్ట్/ ఇంజినీర్ పోస్టులకు స్పేస్ సైన్స్/ అట్మాస్ఫెరిక్ సైన్స్/ ప్లానెటరీ సైన్స్ ప్రధాన సబ్జెక్ట్గా ఎం.ఈ/ఎం.టెక్ లేదా ఎమ్మెస్/ ఎమ్మెస్సీ లేదా బీఈ/ బీటెక్, బీఎస్సీ క్వాలిఫై అయ్యుండాలి.
అప్లికేషన్ ఫీజు
ISRO Scientist Engineer Fee :
- సైంటిస్ట్/ ఇంజినీర్ - SD పోస్టులకు ఎలాంటి దరఖాస్తు రుసుము లేదు.
- సైంటిస్ట్/ ఇంజినీర్ - SC పోస్టులకు రూ.750 అప్లికేషన్ ఫీజుగా చెల్లించాల్సి ఉంటుంది.
- ఎస్సీ, ఎస్టీ, ఎక్స్ సర్వీస్మెన్, దివ్యాంగులు, స్త్రీలు కచ్చితంగా రాత పరీక్షకు హాజరు అయితే, అప్లికేషన్ ఫీజును రీఫండ్ చేస్తారు.
- జనరల్, ఓబీసీ అభ్యర్థులకు రాతపరీక్షకు హాజరైన తరువాత, బ్యాంకు ఛార్జీలను మినహాయించి, నిర్ణీత సమయంలో రూ.500 రీఫండ్ చేస్తారు.
రాత పరీక్ష
- సైంటిస్ట్/ ఇంజినీర్ పోస్టుల రాత పరీక్షను హైదరాబాద్, చెన్నై, ఎర్నాకులం, అహ్మదాబాద్, తిరువనంతపురంలో నిర్వహిస్తారు.
- రాత పరీక్ష ఫలితాల ఆధారంగా అభ్యర్థులను ఇంటర్వ్యూకు పిలుస్తారు. అభ్యర్థులను 1:5 నిష్పత్తిలో ఇంటర్వ్యూ కోసం షార్ట్ లిస్ట్ చేస్తారు. రాత పరీక్ష మార్కులకు 50 శాతం వెయిటేజీ, ఇంటర్వ్యూ మార్కులకు 50 శాతం వెయిటేజీ ఇస్తారు.
సైంటిస్ట్/ ఇంజినీర్ - SC పోస్టులకు దరఖాస్తు చేసే విధానం :
- స్టెప్ 1 : విక్రమ్ సారాభాయ్ స్పేస్ సెంటర్ అధికారిక వెబ్సైట్ https://vssc.gov.in/ ఓపెన్ చేయాలి.
- స్టెప్ 2 : హోమ్ పేజ్లోని VSSC రిక్రూట్మెంట్ లింక్పై క్లిక్ చేయాలి.
- స్టెప్ 3. దరఖాస్తు ఫారమ్లో మీ వివరాలు నమోదు చేయాలి.
- స్టెప్ 4. అవసరమైన డాక్యుమెంట్స్ అన్నీ అప్లోడ్ చేయాలి.
- స్టెప్ 5. అన్ని వివరాలు సరిగ్గా ఉన్నాయో, లేదో చూసుకొని అప్లికేషన్ను సబ్మిట్ చేయాలి.
- స్టెప్ 6. భవిష్యత్ అవసరాల కోసం అప్లికేషన్ ప్రింట్అవుట్ తీసుకోవాలి.
సైంటిస్ట్/ ఇంజినీర్ - SD పోస్టులకు దరఖాస్తు చేసే విధానం :
సైంటిస్ట్/ ఇంజినీర్ ఎస్డీ పోస్టుల కోసం ఇస్రో లైవ్ రిజిస్టర్ పోర్టల్ https://www.isro.gov.in/ లో దరఖాస్తు చేసుకోవాల్సి ఉంటుంది. ఆసక్తి గల అభ్యర్థులు 2023 జులై 21లోపు అప్లై చేసుకోవాలి.
ISRO Engineering Jobs : అభ్యర్థులు షరతులకు లోబడి మల్టిపుల్ పోస్టులకు దరఖాస్తు చేసుకోవడానికి వీలుంది. కానీ మల్టిపుల్ పోస్టులకు అప్లై చేసుకున్న అభ్యర్థులు కచ్చితంగా ఒకే పరీక్ష కేంద్రాన్ని సెలక్ట్ చేసుకోవాల్సి ఉంటుంది.
ఎగ్జామ్ షెడ్యూల్
ISRO Scientist Engineer Exam Date : సైంటిస్ట్/ఇంజినీర్ పోస్టుల పరీక్ష షెడ్యూల్ గురించి ఈ-మెయిల్ ద్వారా లేదా VSSC వెబ్సైట్లో తెలియజేస్తారు. అందుకే అభ్యర్థులు అప్డేట్స్ కోసం విక్రమ్ సారాభాయ్ స్పేస్ సెంటర్ అధికారిక వెబ్సైట్ను చూడాలి.
ముఖ్యమైన తేదీలు
ఆసక్తి గల సైంటిస్ట్/ ఇంజినీర్ అభ్యర్థులు 2023 జులై 5 నుంచి 2023 జులై 21 తేదీ వరకు ఆన్లైన్లో దరఖాస్తు చేసుకోవాల్సి ఉంటుంది.
