భారత్లో తయారు చేసిన తొలి యుద్ధ నౌక.. విక్రాంత్ను నౌకాదళం బుధవారం సముద్రజలాల్లోకి ప్రవేశపెట్టింది. 1971 భారత్-పాకిస్థాన్ యుద్ధంలో కీలక పాత్ర పోషించిన ఐఎన్ఎస్ విక్రాంత్కు 50 ఏళ్లు పూర్తికావస్తున్న సందర్భంగా ఈ యుద్ధనౌకను ప్రవేశపెడుతున్నట్లు అధికారులు వెల్లడించారు. ఇది ఓ చారిత్రక అడుగు అని పేర్కొన్నారు.
ఈ ఎయిర్క్రాఫ్ట్ కేరియర్ తయారీతో స్వదేశీ పరిజ్ఞానంతో దీటైన యుద్ధనౌకలు ఉన్న దేశాల జాబితాలో భారత్ చేరిందని అధికారులు పేర్కొన్నారు. ఈ విక్రాంత్.. భారత్లో రూపొందించిన తొలి అతిపెద్ద యుద్ధనౌక అని తెలిపారు.
40వేల టన్నుల బరువు ఉండే ఈ నౌక నిర్మాణానికి రూ.23వేల కోట్లు ఖర్చు అయినట్లు తెలుస్తోంది. ప్రస్తుతం సీ ట్రయల్స్ సాగిస్తున్న ఈ నౌక.. వచ్చే ఏడాది ద్వితీయార్ధంలో నేవీ సేవలకు అందుబాటులో ఉంటుంది.
ప్రస్తుతం భారత్కు ఎయిర్క్రాఫ్ట్ కేరియర్గా ఐఎన్ఎస్ విక్రమాదిత్య మాత్రమే అందుబాటులో ఉంది. త్వరలో ఈ జాబితాలోకి విక్రాంత్ చేరనుండటం వల్ల నౌకాదళానికి మరింత బలం చేకూరుతుంది.
ఇదీ చదవండి : 'స్వాతంత్ర్య వేడుకలకు కరోనా యోధులను ఆహ్వానించండి'
