సముద్రంలో కూలిన మిగ్​-29.. పైలట్ గల్లంతు

అరేబియన్​ సముద్రంలో నావికా దళానికి చెందిన మిగ్​-29కే శిక్షణ విమానం కుప్పకూలింది. ఈ ఘటనలో ఓ పైలట్​ ఆచూకీ గల్లంతైంది. మరో పైలట్​ క్షేమంగా బయటపడ్డారు. ఘటనపై ఉన్నత స్థాయి విచారణకు ఆదేశించినట్లు నౌకా దళం తెలిపింది.

భారత నావికా దళానికి చెందిన శిక్షణ విమానం మిగ్‌-29కే అరేబియన్‌ సముద్రంలో కూలినట్లు నేవీ అధికారులు వెల్లడించారు. ఈ ఘటనలో ఓ పైలట్‌ క్షేమంగా బయటపడగా, మరో పైలట్‌ ఆచూకీ కోసం నిఘా విమానంతో గాలింపు చర్యలు కొనసాగుతున్నాయి.

గురువారం సాయంత్రం 5 గంటల సమయంలో విమానం కూలినట్లు అధికారులు తెలిపారు. శిక్షణ విమానం కూలిన ఘటనపై ఉన్నత స్థాయి విచారణకు ఆదేశించినట్లు నౌకా దళం తెలిపింది.