Indian Navy Jobs 2023 : డిగ్రీ, డిప్లొమా అర్హతతో.. ఇండియన్​ నేవీలో 224 ఉద్యోగాలు.. అప్లైకు చివరి తేదీ ఎప్పుడంటే?

Indian Navy Jobs 2023 : ఇండియన్​ నేవీలోని వివిధ విభాగాల్లో ఖాళీగా ఉన్న 224 పోస్టుల భర్తీ కోసం నోటిఫికేషన్​ విడుదల అయింది. మరి ఈ ఉద్యోగాలకు అప్లై చేసుకునేందుకు కావాల్సిన అర్హతలు, దరఖాస్తు చివరితేదీ, జీతభత్యాలు, ఎంపిక విధానం తదితర వివరాలు మీ కోసం.

Indian Navy Jobs 2023 : భారత నౌకాదళం 224 ఉద్యోగాల భర్తీ కోసం నోటిఫికేషన్​ విడుదల చేసింది. ఉద్యోగానికి ఎంపికైనవారికి శిక్షణ ఇచ్చి, తర్వాత విధుల్లోకి తీసుకుంటారు. ఈ పోస్టులకు ఎంపికైనవారికి సబ్‌ లెఫ్టినెంట్‌ హోదాతోపాటు, ఆకర్షణీయ వేతనం సహా ప్రోత్సాహకాలు అందిస్తారు.

ఈ బ్రాంచీల్లో..
Indian Navy Jobs Posts : ఎగ్జిక్యూటివ్, ఎడ్యుకేషన్, టెక్నికల్‌ బ్రాంచీల్లో 224 పోస్టులు ఉన్నాయి.

ఈ పోస్టులు..

• పైలట్​ - 20 పోస్టులు
• లాజిస్టిక్స్ - 20 పోస్టులు
• నేవల్​ కన్​స్ట్రక్టర్​ - 20 పోస్టులు
• ఎడ్యుకేషన్​ బ్రాంచ్ - 18 పోస్టులు
• జనరల్ సర్వీస్​/ హైడ్రో క్యాడర్‌​ - 40 పోస్టులు
• ఎయిర్ ట్రాఫిక్​ కంట్రోలర్ (ఏటీసీ)​ - 8 పోస్టులు
• నేవల్​ ఎయిర్​ ఆపరేషన్స్ ఆఫీసర్​ - 18 పోస్టులు
• ఇంజినీరింగ్ బ్రాంచ్​​ (జనరల్ సర్వీస్​) - 30 పోస్టులు

ఏజ్​ లిమిట్​..
అభ్యర్థులు ఆయా పోస్టులకు అనుగుణంగా 1999/2000 జులై 2 నుంచి 2003/2005 జనవరి/జులై 1 మధ్య జన్మించి ఉండాలి.

అర్హతలు(Indian Navy Jobs Eligibility)..

• వివాహం కాని స్త్రీ, పురుషులు మాత్రమే పై పోస్టులకు దరఖాస్తు చేసుకునేందుకు అర్హులు.
• బీఎస్​సీ, ఇంజినీరింగ్, పీజీ డిప్లొమా, పీజీ డిప్లొమా(ఫైనాన్స్‌/ లాజిస్టిక్స్‌/ సప్లై చైన్​ మేనేజ్‌మెంట్‌/ మెటీరియల్‌ మేనేజ్‌మెంట్‌), ఎమ్​ఎస్​సీ, ఎమ్​ఎస్​సీ(ఐటీ), ఎంబీఏ ఉత్తీర్ణులు అప్లై చేసుకోవచ్చు. ప్రస్తుతం ఆఖరు సంవత్సరం కోర్సులు చదువుతున్నవారు కూడా దరఖాస్తు చేసుకోవచ్చు.
• అన్ని పోస్టులకు అకడమిక్స్​లో (పది, ఇంటర్) 60 శాతం మార్కులు తప్పనిసరి.

ఎంపిక విధానం(Indian Navy Jobs Selection Process)..

• అకడమిక్స్​లో ఉత్తమ ప్రతిభ కనబరిచి అత్యధిక మార్కులు సాధించిన వారిని ఇంటర్వ్యూ రౌండ్​కు పంపిస్తారు.
• సర్వీస్‌ సెలక్షన్‌ బోర్డు (ఎస్‌ఎస్‌బీ) ఆధ్వర్యంలో ఇంటర్వ్యూ నిర్వహిస్తారు.
• ఇంటర్వ్యూలో మెరిట్‌ మార్కులు పొందినవారికి వైద్య పరీక్షలు నిర్వహించి శిక్షణలోకి తీసుకుంటారు.
• ఎన్‌సీసీ(సీ) సర్టిఫికెట్‌ ఉన్నవారికి ప్రాధాన్యం ఉంటుంది.

జీతభత్యాలు(Indian Navy Jobs Salary)..

• ఇంటర్వ్యూలో విజయవంతమైనవారికి కేరళ ఎజిమాళలోని నేవల్‌ అకాడెమీలో 2024 జూన్‌ నుంచి 44 వారాలపాటు ట్రైనింగ్​ ఇస్తారు.
• అనంతరం సబ్‌ లెఫ్టినెంట్‌ హోదాతో విధుల్లోకి తీసుకుంటారు.
• ఈ విధంగా ఉద్యోగాల్లో చేరినవారికి లెవెల్‌ 10 కింద రూ.56,100 బేసిక్​ పే అందుతుంది.
• దీనికి తోడు డీఏ, హెచ్‌ఆర్‌ఏ, ఇతర ప్రోత్సాహకాలూ ఉంటాయి.
• ఇవన్నీ కలుపుకొని ఉద్యోగంలో చేరిన తొలి నెల నుంచే అభ్యర్థులు రూ.1 లక్షకు పైగా జీతం పొందే అవకాశం ఉంది.

పదేళ్లు విధుల్లో..

• ఉద్యోగానికి ఎంపికైన వారి ప్రొబేషన్‌ పీరియడ్​ రెండేళ్లు. కాగా, వీరు పదేళ్లు కచ్చితంగా విధుల్లో కొనసాగుతారు.
• అనంతరం ఉద్యోగి పనితీరు, సంస్థ అవసరాల మేరకు మరో నాలుగేళ్లు సర్వీసును పొడిగిస్తారు. ఆ తర్వాత ఉద్యోగం నుంచి వైదొలగాలి.

అప్లికేషన్​ లాస్ట్​ డేట్​..
Indian Navy Jobs Apply Last Date : ఆసక్తి గల అభ్యర్థులు 2023 అక్టోబరు 29 లోపు ఆన్​లైన్​లో దరఖాస్తు చేసుకోవచ్చు.

అధికారిక వెబ్​సైట్​..
నోటిఫికేషన్​కు సంబంధించి మరిన్ని వివరాల కోసం ఇండియన్​ నేవీ అఫీషియల్​ వెబ్​సైట్​ https://www.joinindiannavy.gov.in/ను వీక్షించవచ్చు.