10 నెలల జైలు జీవితం గడిపి.. స్వదేశానికి రైతులు

Indian Farmer Released by Bangladesh: బంగ్లాదేశ్​ సరిహద్దు భద్రతా సిబ్బంది నిర్బంధించిన త్రిపురకు చెందిన ఇద్దరు రైతులు పది నెలల తర్వాత విడుదల అయ్యారు. తిరిగి భారత్​ చేరుకున్నారు. తాము తిరిగి స్వదేశానికి చేరుకోవడం పట్ల సంతోషం వ్యక్తం చేశారు రైతులు. తమను విడిపించేందుకు సాయం చేసిన ఇరు దేశాల అధికారులకు ధన్యవాదాలు తెలిపారు.

Indian Farmer Released by Bangladesh: పది నెలల క్రితం బంగ్లాదేశ్​ సరిహద్దు భద్రతా సిబ్బంది నిర్బంధించిన ఇద్దరు త్రిపుర రైతులు విడుదల అయ్యారు. తమ ఇళ్లకు చేరుకున్నారు. దీనిపై ఆ రాష్ట్ర గిరిజన సంక్షేమ శాఖ మంత్రి మేవాడ్​ కుమార్​ జమాటియా హర్షం వ్యక్తం చేశారు. ఈ విషయంపై విలేకరులతో మాట్లాడిన జమాటియా.. బంగ్లాదేశ్‌లోని మౌల్విబజార్​ జిల్లాలో 10 నెలల జైలు జీవితం గడిపిన రైతులు గురుపాద దెబ్బర్మ, రాజీవ్ దెబ్బర్మ విడుదలయ్యారని చెప్పారు.

విడుదలైన రైతులు గురుపాద, రాజీవ్​

రైతులను అప్పగిస్తున్న బంగ్లాదేశ్​ అధికారులు

భారతీయ అధికారులతో రాజీవ్​, గురుపాద

"గురుపాద, రాజీవ్​లను బంగ్లాదేశ్​ అధికారులు విడుదల చేసినందుకు చాలా సంతోషంగా ఉంది. ఆ దేశంలోని మౌల్విబజార్​ జిల్లాలో 10 నెలల పాటు జైలు జీవితం గడిపారు. ఖోవై జిల్లాకు చెందిన ఈ రైతులు సాగు అవసరాల కోసం కొన్నిసార్లు ఫెన్సింగ్‌ను దాటాల్సి వచ్చేది. పొరపాటు పడ్డ బంగ్లాదేశ్ సరిహద్దు సిబ్బంది.. వారిని పట్టుకున్నారు. జైలులో పెట్టారు. వారిని విడుదల చేయాలని బంగ్లాదేశ్​, భారత ప్రభుత్వాలను అభ్యర్థించాను. ఫలితంగా వారు ఈ రోజు విడుదలయ్యారు. ఇందుకు సహకరించిన ఎంపీ అబ్దుల్‌ సహీద్‌, మౌల్వీబజార్​ డీసీకి నా అభినందనలు. ధన్యవాదాలు తెలియజేస్తున్నాను."

- మేవాడ్​ కుమార్​ జమాటియా, అసోం గిరిజన సంక్షేమ శాఖ మంత్రి

తమను విడుదల చేసినందుకు రాజీవ్​ దెబ్బర్మ సంతోషం వ్యక్తం చేశాడు. భారత్​, బంగ్లాదేశ్ అధికారులకు ధన్యవాదాలు తెలిపాడు. "తిరిగి ఇంటికి వచ్చినందుకు సంతోషంగా ఉంది. మమ్మల్ని స్వదేశానికి తీసుకురావడానికి రాయబార కార్యాలయం చొరవ తీసుకున్నట్లు కొన్ని నెలల క్రితం తెలిసింది. ఇందుకు కేంద్ర, రాష్ట్ర ప్రభుత్వాలకు ధన్యవాదాలు" అని రాజీవ్​ పేర్కొన్నాడు.

కుటుంబ సభ్యులతో రాజీవ్​, గురుపాద

కుటుంబ సభ్యుల వద్దకు చేరుకున్న అన్నదాతలు

ఇదీ చూడండి: 'రక్తదానం చేసిన వారికి 2కిలోల చికెన్, అరకిలో పనీర్​'